రవీంద్ర జడేజా రిటైర్మెంట్!- అలా క్లూ ఇచ్చేశాడా?

జడేజా షాకింగ్ డెసిషన్!- రిటైర్మెంట్​ గురించి ఆలోచిస్తున్నాడా?

Ravindra Jadeja Retirement : టీమ్ఇండియా స్టార్ ఆల్​రౌండర్ రవీంద్ర జడేజా ఇంటర్నేషనల్ క్రికెట్​కు రిటైర్మెంట్ ప్రకటించనున్నాడా? అంటే ఔను అనే సమాధానం వినిపిస్తోంది. తాను షేర్ చేసిన ఓ పోస్ట్​ వల్ల జడ్డూ క్రికెట్​కు గుడ్ బై చెప్పనున్నాడా? అంటు చర్చ మొదలైంది. అటు ఫ్యాన్స్​, నెటిజన్లు కూడా తన పోస్ట్​కు అర్థం ఇదే అని, అతడు ఇలా క్లూ ఇస్తున్నాడని కామెంట్ చేస్తున్నారు. ప్రస్తుతం ఇది క్రీడావర్గాల్లో హాట్​టాపిక్​గా మారింది. మరి జడ్డూ షేర్ చేసిన పోస్ట్ ఏంటంటే?

జడేజా తన టెస్టు జెర్సీ ఫొటోను ఇన్​స్టాగ్రామ్ స్టోరీలో షేర్ చేశాడు. అయితే సోషల్ మీడియాలో జడ్డూ ఎప్పుడూ యాక్టీవ్​గానే ఉంటాడు. కానీ, ఎన్నడూ లేని విధంగా తొలిసారి తన జెర్సీ ఫొటోను సోషల్ మీడియోలో షేర్ చేయడం వల్ల ఈ ఊహాగానాలకు బలం చేకూరింది. ​ఇప్పటికే అంతర్జాతీయ టీ20లకు వీడ్కోలు పలికిన జడ్డూ, త్వరలోనే టెస్టు, వన్డే ఫార్మాట్లకు కూడా రిటైర్మెంట్​కూ సిద్ధమయ్యాడని, నెటిజన్లు అంటున్నారు. కానీ, జడ్డూ ఆ పోస్ట్ ఎందుకు షేర్ చేశాడో మాత్రం తెలియదు.

కాగా, ఇటీవల ముగిసిన ఆసీస్ పర్యటనలో జడేజా అనుకున్న స్థాయిలో రాణించలేకపోయాడు. అటు బ్యాటింగ్, ఇటు బౌలింగ్​ రెండింట్లోనూ ఘోరంగా విఫలమయ్యాడు. ఈ సిరీస్​లో మూడు మ్యాచ్​లు ఆడిన జడేజా 135 పరుగులు చేసి, 4 వికెట్లే పడగొట్టాడు. దీంతో అతడి టెస్టు రిటైర్మెంట్​కు సమయమైందని పలువురు కామెంట్ చేస్తున్నారు.

జడేజా ఇన్​స్టా స్టోరీ (Source : Jadeja Insta Screenshot)

అందులో నో ఛాన్స్!
ఇంగ్లాండ్​ ఈ నెలలో భారత్ పర్యటనకు రానుంది. ఈ పర్యటనలో 5టీ20, 3 వన్డే మ్యాచ్​లు ఆడాల్సి ఉంది. ఫిబ్రవరిలో వన్డే సిరీస్ ఉండనుంది. ఈ సిరీస్​కు బీసీసీఐ జట్టును ఎంపికచేసే సన్నాహాల్లో ఉంది. అయితే ఇంగ్లాండ్​తో వన్డే సిరీస్​లో జడేజాకు చోటు దక్కడం కష్టం అని వార్తలు వస్తున్నాయి. ఈ క్రమంలో జడేజా రిటైర్మెంట్​ గురించి ఆలోచిస్తున్నాడని సమాచారం.

2009లో అంతర్జాతీయ అరంగేట్రం చేసిన జడేజా మూడు ఫార్మాట్లలో టీమ్ఇండియాకు కీలకమైన ఆల్​రౌండర్​గా ఎదిగాడు. మొత్తం ఇప్పటివరకు కెరీర్​లో 351 అంతర్జాతీయ మ్యాచ్​ల్లో భారత్​కు ప్రాతినిధ్యం వహించాడు. మూడు ఫార్మాట్లలో కలిపి 6641 పరుగులు, 597 వికెట్లు పడగొట్టాడు. టెస్టుల్లో నాలుగు సెంచరీలు బాదాడు.

ఫార్మాట్ల వారిగా జడేజా పెర్ఫార్మెన్స్

• టెస్టు -80 మ్యాచ్​లు- 3370 పరుగులు, 323 వికెట్లు
• వన్డే - 197 మ్యాచ్​లు -2756 పరుగులు, 220 వికెట్లు
• టీ20 - 74 మ్యాచ్​లు - 515 పరుగులు - 54 వికెట్లు