Balakrishna Fulfills Fans Dream : నందమూరి నటసింహం బాలకృష్ణకు ఫ్యాన్స్లో ఉన్న క్రేజే వేరు. సినిమాల్లో ఆయన నటన్నే కాదు ఇతరులకు సహాయం చేసే ఓ మంచి మనసున్న వ్యక్తిగా కూడా బాలయ్య అభిమానుల్లో మంచి పేరు సంపాదించుకున్నారు. ఆయన్ను కలిసిన ఎవ్వరైనా సరే 'పసిపిల్లాడి మనసతత్వం మన బాలయ్యది' అని అన్న సందర్భాలు మనం చాలానే చూసుంటాం. అయితే ఆయన ఒకానొక సంద్భంలో తన అభిమాని అడిగిన ఓ కోరిక తీర్చి ప్రేక్షకుల మన్నలను పొందారు. ఇంతకీ అదేంటంటే?
బాలకృష్ణ, డైరెక్టర్ కేఎస్ రవికుమార్ కాంబినేషన్లో తెరకెక్కిన యాక్షన్ మూవీ 'రూలర్‌'. ఇందులో బాలయ్య డిఫరెంట్ లుక్లో కనిపించి ప్రేక్షకులను ఆకట్టుకున్నారు. ముఖ్యంగా ఈ సినిమాలో బాలయ్య ఫ్రెంచ్‌కట్‌ గడ్డం లుక్ అందరినీ ఆకట్టుకుంది. అయితే బాలయ్య వేసుకున్న ఈ గెటప్ వెనక ఓ ఆసక్తికర స్టోరీ ఉంది.
ఒకానొక సమయంలో బాలయ్యకు ఓ వీరాభిమాని హాలీవుడ్‌ స్టార్‌ స్టిల్‌ని పంపాడు. 'మిమ్మల్ని ఈ గెటప్‌లో చూడాలని ఉంది సార్ ' అంటూ ఆ ఫ్యాన్ తన మనసులో మాటను చెప్పాడు. ఇది తెలుసుకున్న బాలయ్య, తన నెక్స్ట్ మూవీ 'రూలర్‌'లో ఈ గెటప్ వేయాలని నిర్ణయించుకున్నారు. ఇదే విషయాన్ని డైరెక్టర్కు చెప్పగా ఆయన కూడా ఈ లుక్ బాగుందని అన్నారు. అలా అభిమాని కోరికను నెరవేర్చి బెస్ట్ హీరోగా పేరొందారు. దీన్ని బట్టి బాలయ్య తన అభిమానుల్ని ఎంతగా ప్రేమిస్తారో మీరు అర్థం చేసుకోవచ్చు.