Anant Ambani Radhika Merchant Wedding KGF Yash Look : అంతర్జాతీయ దృష్టిని ఆకర్షించిన అనంత్-రాధిక వివాహ వేడుకకు ప్రపంచవ్యాప్తంగా ఉన్న సెలబ్రిటీలంతా హాజరై సందడి చేస్తున్నారు. వీరిలో కేజీయఫ్ భాయ్, రాకింగ్ స్టార్ యశ్ కూడా ఉన్నారు. తాజాగా ఆయన పెళ్లి వేడుకకు హాజరైన వీడియో ఒకటి సోషల్ మీడియాలో వైరల్గా మారింది.
ఇందులో యశ్ కారులో నుంచి దిగి తన ఫ్యాన్స్కు అభివాదం తెలిపారు. ముఖ్యంగా ఆయన లుక్ అందరి దృష్టిని ఆకర్షించింది. యమ స్టైలిష్గా బియర్డ్ లుక్లో పెద్ద కోరా మీసాలతో కనిపించారు. లాంగ్ హెయిర్లోనే సైడ్ లైట్గా ట్రిమ్ చేసి కనిపించారు. ప్రస్తుతం ఈ వీడియో సోషల్ మీడియా సెన్సేషన్గా మారింది. ఈ వీడియో చూసిన అభిమానులు యశ్ స్టైలిష్ ఎంట్రీకి ఫిదా అయిపోతున్నారు. రావణ, డ్యాషింగ్ లుక్, బియర్డ్ అదిరింది అంటూ ఫైర్ ఎమోజీలతో కామెంట్లు చేస్తూ వీడియో, ఫొటోస్ను తెగ షేర్ చేస్తున్నారు.
కాగా, KGF చిత్రాలతో పాన్ ఇండియా రేంజ్లో స్టార్ డమ్ సంపాదించుకున్నారు యశ్. ఆ సినిమాలతో కన్నడ సినీ పరిశ్రమ స్థాయి కూడా భారీగా పెరిగింది. దీంతో యశ్ నెక్స్ట్ సినిమాపై భారీ అంచనాలు నెలకొన్నాయి. కానీ ఆయన మాత్రం చాలా గ్యాప్ ఇచ్చి రీసెంట్గా మలయాళీ దర్శకురాలు గీతూ మోహన్ దాస్కు గ్నీన్ సిగ్నల్ ఇచ్చారు. టాక్సిక్ పేరుతో సినిమాను అనౌన్స్ చేశారు. ఏ ఫెయిరీ టేల్‌ ఫర్‌ గ్రోన్‌ అప్స్‌ అన్నది ఉపశీర్షిక. కొద్ది కాలం క్రితమే మొదలైన ఈ చిత్రం ప్రస్తుతం షూటింగ్ జరుపుకుంటోంది.