Akhil Akkineni Upcoming Movie:టాలీవుడ్ స్టార్ హీరో అఖిల్ అక్కినేని 'ఏజెంట్' తర్వాత మరో సినిమా అనౌన్స్ చేయలేదు. దీంతో అఖిల్ తదుపరి సినిమా కోసం అక్కినేని ఫ్యాన్స్ ఈగర్గా వెయిట్ చేస్తున్నారు. ఈ నేపథ్యంలో నెక్ట్స్ ప్రాజెక్ట్కు రంగం సిద్ధమైనట్లు తెలుస్తోంది. అఖిల్ తదుపరి మూవీ 'యూవీ క్రియేషన్స్' (UV Creations) బ్యానర్పై రూపొందనుందని ఇన్సైట్ టాక్ వినిపిస్తోంది.
సినిమాకు సంబంధించి ఇప్పటికే స్ట్రిప్ట్ వర్క్ పూర్తయిందట. మార్చి తొలి వారంలో పూజా కార్యక్రమాలు జరుపుకొని, రెండో వారంలో సినిమా సెట్స్ మీదకు వెళ్లనుందని సమాచారం. యూవీ క్రియేషన్స్ ఈ సినిమాను రూ.80కోట్ల భారీ బడ్జెట్తో రూపొందించనుందట. కేజీఎఫ్ కో ప్రొడ్యూసర్, హొంబలే ఫిల్మ్స్ ప్రొడక్షన్ హౌజ్ కూడా ఈ సినిమాకు సహ నిర్మాతగా వ్యవహరించనున్నట్లు టాక్. కానీ, దీనిపై క్లారిటీ రావాల్సి ఉంది.
అయితే ఈ సినిమాను డెబ్యూ డైరెక్టర్ అనిల్ కుమార్ తెరకెక్కించనున్నట్లు తెలిసింది. రెబల్ స్టార్ ప్రభాస్ భారీ బడ్జెట్ యాక్షన్ మూవీ 'సాహో' కు అనిల్ కుమార్ అసిస్టెంట్ డైరెక్టర్గా పనిచేశారు. ఈ సినిమాతో డైరెక్టర్గా పరిచయం కానున్నారు. ఇక ఈ ప్రాజెక్ట్కు 'ధీర' అనే పేరు కన్ఫార్మ్ అయినట్లు తెలుస్తోంది. ఇక ఈ సినిమాలో నటించే హీరోయిన్, ఇతర నటీనటుల వివరాలు ఇంకా తెలియాల్సి ఉంది. పూజా కార్యక్రమంలో యూవీ క్రియేషన్స్ పూర్తి వివరాలు వెల్లడించే ఛాన్స్ ఉంది. అయితే ప్రయోగాత్మక చిత్రాలు చేయడానికి ఇష్టపడే అఖిల్, ఈసారి ఎలాంటి కథతో ప్రేక్షకుల ముందుకు రానున్నారని ఆసక్తిగా మారింది.