Prabhas New Film : టాలీవుడ్లో అత్యంత బిజీగా ఉన్న ఉన్న హీరో రెబల్ స్టార్ ప్రభాస్. ఆయన చేతిలో ప్రస్తుతం ఐదు సినిమాలు ఉన్నాయి. దీంతో ప్రభాస్ వరుసగా ఈ సినిమాల షూటింగుల్లో పాల్గొంటూ బిజీగా ఉంటున్నారు. ఈ క్రమంలోనే ప్రభాస్ మరో సినిమాకు గ్రీన్ సిగ్నల్ ఇచ్చారని ఇండస్ట్రీ వర్గాల టాక్.
అయితే ఓ దర్శకుడు చెప్పిన కథ నచ్చి ప్రభాస్ ఓకే చెప్పేశారని తెలుస్తోంది. ఈ సినిమాకు సంబంధించి ప్రొడక్షన్ బ్యానర్ కూడా ఓకే అయ్యిందట. ఈ ప్రాజెక్ట్ను సంక్రాంతి సందర్భంగా జనవరి 14న అధికారికంగా ప్రకటించనున్నట్లు సమాచారం. దీంతో డార్లింగ్ ఫ్యాన్స్ ఆత్రుతగా ఎదురుచూస్తున్నారు. ఈసారి ఏ డైరెక్టర్తో ప్రభాస్ పనిచేయనున్నారు? కథ ఎలా ఉండనుంది? అని అప్పుడే ఓ అంచనాకు వచ్చేస్తున్నారు.
షూటింగ్లో గాయం!
అయితే ఇటీవల ఓ సినిమా షూటింగ్లో పాల్గొన్న ప్రభాస్ స్వల్పంగా గాయపడ్డారు. వైద్యుల సూచన మేరకు ఆయన ప్రస్తుతం విశ్రాంతి తీసుకుంటున్నారు. త్వరలోనే మళ్లీ సెట్స్ పైకి వెళ్లనున్నట్లు తెలిసింది.
ముందుగా అదే
ఐదు సినిమాలు లైన్లో పెట్టిన ప్రభాస్ త్వరత్వరగా ఒక్కో ప్రాజెక్ట్ను పూర్తి చేసే పనిలో ఉన్నారు. ఈ క్రమంలోనే ముందుగా 'రాజాసాబ్' సినిమాతో ప్రేక్షకుల ముందుకు రానున్నారు. కామెడీ, హర్రర్ జానర్లో డైరెక్టర్ మారుతి ఈ సినిమా తెరకెక్కిస్తున్నారు. మాళవిక మోహనన్‌, నిధి అగర్వాల్‌, రిద్ధికుమార్‌ హీరోయిన్లుగా నటిస్తుండగా, బాలీవుడ్ నటుడు సంజయ్‌ దత్‌ కీలక పాత్ర పోషిస్తున్నారు. 2025 మే 16న ఈ సినిమా రిలీజ్ కానుంది.
మూడేళ్లదాకా బిజీనే
రాజాసాబ్ తర్వాత హను రాఘవపూడి దర్శకత్వంలో 'ఫౌజీ' సినిమా తెరకెక్కుతోంది. దీంతోపాటు ప్రశాంత్ నీల్ 'శౌర్యంగ పర్వం' (సలార్ 2), సందీప్ రెడ్డి వంగా 'స్పిరిట్', నాగ్ అశ్విన్తో 'కల్కి 2' సినిమాలు వరుసగా పూర్తి చేయాల్సి ఉంది. ఈ ప్రాజెక్ట్లన్నీ పూర్తి అవ్వలంటే కనీసం మూడేళ్లు పట్టే అవకాశం ఉంది. ఈ లెక్కన రానున్న మూడు, నాలుగేళ్లలో ప్రభాస్ సినిమాలు వరుసగా వచ్చే ఛాన్స్ ఉంది.
ప్రభాస్పై కిచ్చా సుదీప్ ఇంట్రెస్టింగ్ కామెంట్స్- డార్లింగ్ అలా ఉంటారట!
షూటింగ్లో ప్రభాస్కు గాయం- ఆ సినిమా ప్రమోషన్స్కు వెళ్లడం కష్టమే!
