భారీ లాభాల్లోకి స్టాక్ మార్కెట్లు - వరుస నష్టాలకు బ్రేక్​! - Stock Market Today

Stock Market Today April 19th 2024 : శుక్రవారం దేశీయ స్టాక్ మార్కెట్లు భారీ లాభాలతో ముగిశాయి. దీనితో 4 రోజుల వరుస నష్టాలకు బ్రేక్ పడింది. బొంబాయి స్టాక్​ ఎక్స్ఛేంజి సూచీ సెన్సెక్స్​ 599 పాయింట్లు, జాతీయ స్టాక్​ ఎక్స్ఛేంజి సూచీ నిఫ్టీ ప్రస్తుతం 151 పాయింట్లు లాభపడ్డాయి.

Stock Market Today April 19th 2024 :దేశీయ స్టాక్ మార్కెట్లు శుక్రవారం భారీ లాభాలతో ముగిశాయి. దీనితో వరుస 4 రోజుల నష్టాలకు బ్రేక్ పడింది.

బొంబాయి స్టాక్​ ఎక్స్ఛేంజి సూచీ సెన్సెక్స్​ 599 పాయింట్లు లాభపడి 73,088 వద్ద స్థిరపడింది. జాతీయ స్టాక్​ ఎక్స్ఛేంజి సూచీ నిఫ్టీ 151 పాయింట్లు వృద్ధి చెంది 22,147 వద్ద ముగిసింది.

2.00 PM :దేశీయ స్టాక్ మార్కెట్లు లాభాల్లోకి దూసుకెళ్లాయి. ప్రస్తుతం బొంబాయి స్టాక్​ ఎక్స్ఛేంజి సూచీ సెన్సెక్స్​ 578 పాయింట్లు లాభపడి 73,064 వద్ద ట్రేడ్​ అవుతోంది. జాతీయ స్టాక్​ ఎక్స్ఛేంజి సూచీ నిఫ్టీ ప్రస్తుతం 153 పాయింట్లు వృద్ధి చెంది 22,149 వద్ద కొనసాగుతోంది.

Stock Market Today April 19th 2024 :వరుసగా ఐదో రోజు కూడా దేశీయ స్టాక్ మార్కెట్లు నష్టాల్లో కొనసాగుతున్నాయి. దాదాపు అన్ని సెక్టార్లు నష్టాల్లో ట్రేడవుతున్నాయి. ముఖ్యంగా ఐటీ స్టాక్స్​ కుదేలవుతున్నాయి.

ఇరాన్​-ఇజ్రాయెల్​ మధ్య ఉద్రిక్తతలు పెరుగుతుండడం, ప్రపంచ మార్కెట్లపై చాలా ప్రతికూల ప్రభావం చూపిస్తోంది. దీనికి తోడు విదేశీ పెట్టుబడులు తరలివెళ్తుండడం, ముడి చమురు ధరలు భారీగా పెరుగుతుండడం - దేశీయ మదుపరుల సెంటిమెంట్​ను దెబ్బతీస్తోంది. ఫలితంగా ఇండియన్ మార్కెట్లు గత 5 రోజులుగా భారీగా నష్టపోతున్నాయి.

ప్రస్తుతం బొంబాయి స్టాక్​ ఎక్స్ఛేంజి సూచీ సెన్సెక్స్​ 378 పాయింట్లు నష్టపోయి 72,110 వద్ద ట్రేడ్​ అవుతోంది. జాతీయ స్టాక్​ ఎక్స్ఛేంజి సూచీ నిఫ్టీ ప్రస్తుతం 123 పాయింట్లు కోల్పోయి 21,872 వద్ద కొనసాగుతోంది.

• లాభాల్లో కొనసాగుతున్న స్టాక్స్​ : ఐటీసీ, హిందూస్థాన్ యూనిలివర్​, హెచ్​డీఎఫ్​సీ బ్యాంక్​, భారతీ ఎయిర్​టెల్​, ఐసీఐసీఐ బ్యాంక్​
• నష్టాల్లో ట్రేడవుతున్న షేర్స్​ : ​ఇన్ఫోసిస్​, యాక్సిస్ బ్యాంక్​, నెస్లే ఇండియా, హెచ్​సీఎల్ టెక్​, టాటా మోటార్స్​, ఎస్​బీఐ, టీసీఎస్​

విదేశీ పెట్టుబడులు
FIIs Investments : స్టాక్ ఎక్స్ఛేంజ్ డేటా ప్రకారం, గురువారం విదేశీ సంస్థాగత పెట్టుబడిదారులు రూ.4,260 కోట్ల విలువైన ఈక్విటీలను అమ్మేశారు.

ఆసియా మార్కెట్లు
Asian Markets Today April 19th 2024 : ఏసియన్ మార్కెట్లైన సియోల్​, టోక్యో, హాంకాంగ్, షాంఘై అన్నీ భారీ​ నష్టాల్లో కొనసాగుతున్నాయి. గురువారం యూఎస్ మార్కెట్లు కూడా నష్టాలతో ముగిసిన విషయం తెలిసిందే.

రూపాయి విలువ
Rupee Open March April 19th 2024 : అంతర్జాతీయ మార్కెట్​లో రూపాయి విలువ 6 పైసలు తగ్గింది. ప్రస్తుతం డాలర్​తో పోలిస్తే రూపాయి మారకం విలువ రూ.83.58గా ఉంది.

ముడిచమురు ధర
Crude Oil Prices April 19th 2024 : అంతర్జాతీయ మార్కెట్​లో ముడిచమురు ధరలు 2.27 శాతం మేర పెరిగాయి. ప్రస్తుతం బ్యారెల్​ క్రూడ్​ ఆయిల్ ధర 89.09 డాలర్లుగా ఉంది.

పెట్రోల్, డీజిల్​​ ధరలు!
Petrol And Diesel Prices April 19th 2024 : తెలుగు రాష్ట్రాలైన ఏపీ, తెలంగాణల్లో పెట్రోల్​, డీజిల్​ ధరలు స్థిరంగా ఉన్నాయి. హైదరాబాద్​లో లీటర్ పెట్రోల్​ ధర రూ.107.39గా ఉంది. డీజిల్​ ధర రూ.95.63గా ఉంది. విశాఖపట్నం​లో లీటర్ పెట్రోల్​ ధర రూ.108.27గా ఉంది. డీజిల్​ ధర రూ.96.16గా ఉంది. దిల్లీలో లీటర్​ పెట్రోల్​ ధర రూ.94.76గా ఉంటే, డీజిల్​ ధర రూ.87.66గా ఉంది.