How To Check Aadhaar Card Usage History : ఈ రోజుల్లో అన్నింటికీ ఆధార్ తప్పనిసరి అయింది. బ్యాంకు ఖాతా తెరవాలన్నా, కొత్త సిమ్ కార్డు తీసుకోవాలన్నా, బ్యాంకు రుణాలు, ప్రభుత్వ పథకాలకు, ఇలా అన్నింటికీ ఆధార్ వివరాలు తప్పనిసరి. అయితే ఆధార్ కార్డును మనం కాకుండా ఇంకెవరైనా వాడుతే పరిస్థితి ఏమిటి? అందుకే తరచుగా మన ఆధార్ యూసేజ్ హిస్టరీని చెక్ చేసుకోవడం మంచిది.
ఎలా చెక్ చేసుకోవాలంటే?
Aadhaar Card Usage History Checking Process :
మన ఆధార్ కార్డును అనుమతి లేకుండా ఎవరైనా అక్రమంగా వాడుతున్నారా? లేదా? అనేది చాలా సులువుగా తెలుసుకోవచ్చు. అది ఎలాగో ఇప్పుడు తెలుసుకుందాం.
- ముందుగా UIDAI అధికారిక పోర్టల్ https://uidai.gov.in/en/ ఓపెన్ వెళ్లాలి.
- పైన ఎడమవైపున ఉన్న My Aadhaar ట్యాబ్పై ట్యాప్ చేసి, Aadhaar services పైన క్లిక్ చేయాలి.
- Aadhaar Authentication History అనే ఆప్షన్ను ఎంచుకోవాలి.
- వెంటనే లాగిన్ కోసం కొత్త పేజీ ఓపెన్ అవుతుంది.
- అందులో లాగిన్పై క్లిక్ చేసి ఆధార్ నంబర్, క్యాప్చా, ఓటీపీ ఎంటర్ చేసి లాగిన్ అవ్వాలి.
- తర్వాత కనిపించే స్క్రీన్లో కిందకి స్క్రోల్ చేయగానే Authentication History అని కనిపిస్తుంది. దానిపై క్లిక్ చేయాలి.
- అక్కడ ALLని ఎంచుకొని డేటాని సెలెక్ట్ చేసుకొని Fetch Authentication History పై క్లిక్ చేయాలి.
- వెంటనే గత ఆరు నెలలుగా మీ ఆధార్ కార్డును ఏయే విషయాలకు ఉపయోగించారో డేటా మొత్తం కనిపిస్తుంది. అంతే సింపుల్!
ఈ విధానం ద్వారా మీ ఆధార్కు లింక్ చేసిన ఓటీపీ, బయోమెట్రిక్, డెమోగ్రాఫిక్ వివరాలను ఉపయోగించి, మీ ఆధార్ కార్డును ఆరునెలలుగా ఎక్కడెక్కడ వినియోగించారనేది తెలుసుకోవచ్చు. మీరు కాకుండా మరెవరైనా మీ ఆధార్ కార్డును వినియోగించినట్టు గుర్తిస్తే వెంటనే తగిన చర్యలు తీసుకోవచ్చు.