హీరో మేవ్రిక్​ 440 బైక్​ లాంఛ్ - ఫీచర్స్​ అదుర్స్ -​ ధర ఎంతంటే?

Hero Maverick 440 Launch : బైక్​ ప్రియులకు గుడ్​ న్యూస్​. ప్రముఖ ద్విచక్రవాహన తయారీ సంస్థ హీరో మోటోకార్ప్ మేవ్రిక్​ 440 ప్రీమియం బైక్​ను లాంఛ్​ చేసింది. మరి ఈ బైక్​ ​ఫీచర్లు, స్పెసిఫికేషన్స్​, ధర తదితర వివరాలు తెలుసుకుందామా?

Hero Maverick 440 Launch : బైక్​ ప్రియులు ఎప్పటినుంచో ఎదురు చూస్తున్న మేవ్రిక్​ 440 బైక్​ను ప్రముఖ ద్విచక్రవాహన తయారీ సంస్థ హీరో మోటర్​కార్ప్ లాంఛ్​ చేసింది. హీరో వరల్డ్​ పేరిట నిర్వహించిన కార్యక్రమంలో భాగంగా ఈ బైక్​ను ఇది వరకే పరిచయం చేసింది. హీరో సంస్థ ఇప్పటి వరకు విడుదల చేసిన బైక్​లలో అత్యంత ఖరీదైనది​ ఇదే.

Mavrick 440 Specifications And Features :

1. హార్లే డేవిడ్​సన్​ తరహాలో ఇందులోనూ 440 సీసీ ఆయిల్​ కూల్డ్ సింగిల్ సిలెండర్ ఇంజిన్ ఉంది.
2. ఈ బైక్​లో 6 స్పీడ్​ గేర్​బాక్స్ ఉంది.
3. ఈ ఇంజిన్​ 6000 rpm వద్ద 27 bhp పవర్​, 4000 rpm వద్ద 36 Nm టార్క్​ జనరేట్ చేస్తుంది.
4. సింగిల్​ పీస్​ లాంగ్​ సీట్​ ఉంటుంది.
5. హెచ్​ ఆకారంతో కూడిన ఎల్​ఈడీ డీఆర్​ఎల్స్​ ఉంటాయి.
6. రెండు వైపులా డిస్క్​బ్రేక్​ ఉంటుంది.
7. స్మార్ట్​ఫోన్​కు కనెక్ట్​ చేసేందుకు వీలుగా బ్లూటూత్ కనెక్టివిటీ
8. బైక్​ ముందువైపు 43mm టెలీస్కోపిక్​ సస్పెన్షన్ ఉంటుంది.
9. ఈ బైక్ గ్రౌండ్ క్లియరెన్స్​ 175mm ఉంది.

Mavrick 440 Price :ఈ మేవ్రిక్​ 440 బైక్​ ధర సుమారుగా రూ.1.99 లక్షల నుంచి రూ.2.24 లక్షల ప్రైస్​ రేంజ్​లో ఉంటుంది.

బుకింగ్స్ ఎప్పటినుంచంటే?
ప్రస్తుతం ఈ మేవ్రిక్​440 బైక్​ బుకింగ్స్​ ప్రారంభమయ్యాయి. బైక్​ కొనుగోలుదారులకు ఏప్రిల్​ నెలలో ఈ బైక్​ను డెలివరీ చేస్తారని తెలుస్తోంది. హీరో మేవ్రిక్​ 440 బైక్​ బేస్​, మైల్డ్​, టాప్​ వేరియంట్లలో లభిస్తుంది. ఈ బైక్​ను హీరో అఫీషియల్​ వెబ్​సైట్ ద్వారా బుకే చేసుకోవచ్చు. ఈ హీరో మేవ్రిక్​ 440 బైక్​, ట్రయంఫ్ స్పీడ్​ 400, జావా 350, హోండా సీబీ 350, రాయల్​ ఎన్​ఫీల్డ్​ క్లాసిక్​ 350 బైక్​లకు గట్టి పోటీనిస్తుందని భావిస్తున్నారు.

మేవ్రిక్​ కాంప్లిమెంటరీ కిట్​
హీరో కంపెనీ కస్టమర్ల కోసం 'వెల్​కమ్​ టు మేవ్రిక్​ క్లబ్​' ఆఫర్ అందిస్తోంది. ఈ మార్చి 15లోపు ఎవరైతే ఈ మేవ్రిక్440 బైక్​ను బుక్​ చేసుకుంటారో వారికి రూ.10,000 విలువైన మేవ్రిక్​ కాంప్లిమెంటరీ కిట్​ను అందిస్తారు.