Railway Board Educational Qualification Level 1 Posts : నిరుద్యోగులకు రైల్వే బోర్డు శుభవార్త చెప్పింది. లెవెల్-1 పోస్టులకు కనీస విద్యార్హత నిబంధనలను సడలించింది. కొత్త నిబంధనల ప్రకారం, 10వ తరగతి పాసైన వారు కూడా లెవెల్-1 (గ్రూప్ డీ) పోస్టులకు దరఖాస్తు చేసుకోవడానికి అర్హులు. అంతేకాకుండా ఐటీఐ డిప్లొమా లేదా దానికి సమానమైన సర్టిఫికేట్, నేషనల్ కౌన్సిల్ ఫర్ వొకేషనల్ ట్రైనింగ్ -NCVT మంజూరు చేసిన నేషనల్ అప్రెంటిస్‌షిప్ సర్టిఫికేట్ -NAC కలిగి ఉన్నవారూ ఈ ఉద్యోగాలకు అప్లై చేసుకోవచ్చు.
అంతకుముందు టెక్నికల్ డిపార్ట్మెంట్లలో పనిచేయాలంటే కచ్చితంగా పదో తరగతిలో ఉత్తీర్ణత సాధించి, NAC లేదా ITI డిప్లొమా కలిగి ఉండాలని నిబంధనలు ఉండేవి. ఈ మేరకు పాత నిబంధనలను రద్దు చేస్తూ రైల్వే బోర్డు తాజాగా నిర్ణయం తీసుకుంది. దీనిపై అన్ని రైల్వే జోన్లకు రాతపూర్వకంగా సమాచారం అందించింది.