శశిథరూర్​ ఒడిలో కోతి- హాయిగా నిద్రబుచ్చిన ఎంపీ!- ఫొటోలు చూశారా?

కాంగ్రెస్ ఎంపీ శశిథరూర్​తో వానరం - ఫొటోలను షేర్​ చేసిన ఎంపీ

Monkey hugs Shashi Tharoor : కాంగ్రెస్‌ సీనియర్‌ నేత శశిథరూర్‌ తన ఒడిలో ఓ కోతిని ఆప్యాయంగా నిద్రబుచ్చారు. ఇందుకు సంబంధించిన ఫొటోలను శశిథరూర్‌ ఎక్స్‌లో పోస్టు చేశారు. ప్రస్తుతం ఆ ఫొటోలు సోషల్​ మీడియాలో వైరల్ అవుతున్నాయి.

అది అద్భుతమైన అనుభవం అంటూ శశి థరూర్ ఎక్స్​ వేదికగా తెలిపారు.' నేను బుధవారం ఉదయం గార్డెన్​లో కూర్చొని న్యూస్​ పేపర్​ను చదుతువున్నా. ఆ సమయంలో ఒక కోతి ఎక్కడి నుంచో నేరుగా నా దగ్గరకు వచ్చి ఒడిలో ఎక్కి కూర్చుంది. నేను ప్రేమగా అరటి పళ్లు ఇచ్చా. ఆకలితో ఉన్న ఆ కోతి తినేసింది. తర్వాత నన్ను కౌగిలించుకుని ఛాతిపై తలను ఆన్చి నిద్రపోయింది. అయితే కొంత సేపటి తర్వాత నేను మెల్లగా లేచేందుకు ప్రయత్నించా. వెంటనే ఆ వానరం దూకి వెళ్లిపోయింది. ఇది నాకు గొప్ప అనుభూతి' అని శశిథరూర్ పేర్కొన్నారు.

'వన్య ప్రాణుల ఉన్న పట్ల చాలా గౌరవం ఉంది. కోతి దాడి చేస్తే రాబిస్​ వంటివి వచ్చే ప్రమాదం ఉంటుందని ఆందోళన చెందాను. కోతి నా దగ్గరకు వచ్చినప్పుడు దానిని బెదిరించలేదు. అది కూడా నాపై ఎటువంటి దాడి చేయలేదు. ఏమి జరగనందుకు నేను సంతోషిస్తున్నా' అని శశిథరూర్ ఎక్స్​లో మరో పోస్ట్​ పెట్టారు.