Masala Fish Fingers : మసాలా ఫిష్ ఫింగర్స్ అనేది.. చాలా ఈజీగా తయారు చేయగల రెసిపీ. ఎక్కువ శ్రమ లేకుండానే ఇంట్లో తయారు చేసుకోవచ్చు. ఈ వంటకాన్ని కొన్ని డిప్స్ లేదా చట్నీస్తో ఓ పట్టు పట్టొచ్చు. ముఖ్యంగా పిల్లలకు ఇది చాలా బాగుంటుంది. కొందరు పిల్లలు చేపలు తినడానికి ఇష్టపడరు. ఇలాంటి వారికి ఈ రెసిపీ చేసి చేశారంటే.. వదలకుండా లాగిస్తారు. వాళ్లకు నచ్చిన రంగుతోపాటు బయట క్రంచీగా.. లోపల సాఫ్ట్గా ఉండడంతో చక్కగా తినేస్తారు.
ఈ మసాలా ఫిష్ ఫింగర్స్ను కేవలం ఇంట్లోనే కాకుండా.. కిట్టీ పార్టీలు, చిన్న చిన్న మీటింగ్స్లోనూ సర్వ్ చేసుకోవడానికి సూపర్గా ఉంటాయి. ఈ రెసిపీని మీరు తయారు చేశారంటే.. కచ్చితంగా అభినందనలు వెల్లువెత్తుతాయి. సో.. ఈ సండే ట్రేచేయండి. మీ ప్రియమైన వారితో కలిసి ఆనందించండి. మరి.. ఈ రెసిపీని ఎలా తయారు చేయాలి? ఇందుకోసం ఎలాంటి ఇంగ్రీడియంట్స్ వాడాలి? అన్నది ఇప్పుడు చూద్దాం.
నలుగురి కోసం మసాలా ఫిష్ ఫింగర్స్ చేయాలంటే కావలసినవి :
8 ఫిష్ ఫిల్లెట్స్ (నిలువగా పొడవుగా ఉన్న చేప ముక్కలు)
2/3 టీస్పూన్ జీలకర్ర గింజలు
తగినంత ఉప్పు
2/3 టీస్పూన్ గరం మసాలా పొడి
2/3 కప్పుల నీరు
2/3 కప్పుల బ్రెడ్ ముక్కలు
2/3 కప్పుల మైదా పిండి
2/3 టీస్పూన్ కారం
1 1/2 టేబుల్ స్పూన్ నిమ్మరసం
1 1/2 టీస్పూన్ ధనియాల పొడి
2 1/2 కప్పుల ఆయిల్
మసాలా ఫిష్ ఫింగర్స్ ఎలా తయారు చేయాలి?
- ముందుగా చేప ముక్కలను కడగాలి. నీళ్లు లేకుండా చేసి పొడిగా ఉంచండి.
- ఇప్పుడు ఒక గిన్నె తీసుకొని నిమ్మరసం, ఉప్పు, ధనియాల పొడి వేయండి. ఇందులో ఫిష్ ఫిల్లెట్లను వేయండి.
- వీటిని చక్కగా మెరినేట్ చేసి, సుమారు 2 గంటలపాటు రిఫ్రిజిరేటర్‌లో ఉంచండి. ఆ తర్వాత తీసి పక్కన పెట్టండి.
- తర్వాత ఓ గిన్నెలో మైదా పిండి వేసి.. నీటితో కలపండి. ఉండలు చుట్టకుండా కలుపుకోవాలి. ఆ తర్వాత జీలకర్ర, గరం మసాలా, కారం వేసి బాగా కలపాలి.
- స్టవ్ మీద బాణలి పెట్టి.. అందులో నూనె వేసి వేడి చేయండి.
- ఈ లోపు ఒక పెద్ద ప్లేట్ మీద బ్రెడ్ ముక్కలను పూర్తిగా పొడి చేయండి..
- ఇప్పుడు మ్యారినేట్ చేసిన ఫిష్ ముక్కలను మైదా మిశ్రమంలో ముంచి, బ్రెడ్ ముక్కల పొడిని అన్ని వైపులా ఫిష్ ముక్కలకు పట్టించి నూనెలో వేయండి.
- వాటిని గోల్డెన్ బ్రౌన్ కలర్ వచ్చేవరకు వేయించాలి.
- వేగాయనుకున్న తర్వాత తీసి పేపర్ టవల్స్ మీద వేయండి.. అడిషనల్ ఆయిల్ ఉంటే పీల్చుకుంటాయి.
- ఆ తర్వాత వేడి వేడిగా ఆరగించాల్సిందే.
