ପଥୋତ୍ସବରେ ଝୁମିଲା ରାଜଧାନୀ, ଦୁଲୁକିଲା କଳାଭୂମିରୁ ମଧୁସୂଦନ ପାର୍କ ରାସ୍ତା - ତୃତୀୟ ପଥ ଉତ୍ସବ
Published : Jan 21, 2024, 3:56 PM IST
Patha Utsav: ଭୁବନେଶ୍ବର: ରାଜଧାନୀର ରାଜରାସ୍ତାରେ ହେଉଥିବା ପାଠୋତ୍ସବ ବା ରାହାଗିରି ଶେଷ ହୋଇଛି । ରାଜଧାନୀବାସୀଙ୍କୁ ମନୋରଞ୍ଜନର ଖୋରାକ ଯୋଗାଇବା ପାଇଁ ରବିବାର ଛୁଟିରେ ଭୁବନେଶ୍ବରରେ ପଥୋତ୍ସବ ଆୟୋଜିତ ହୋଇଥାଏ । ଏହି କ୍ରମରେ ଚଳିତ ବର୍ଷର ଏହା ତୃତୀୟ ପଥୋତ୍ସବ, ଯାହା ଏକାମ୍ର ନିର୍ବାଚନ ମଣ୍ଡଳୀରେ ଆୟୋଜିତ ହୋଇଥିଲା । ଆଜିର କାର୍ଯ୍ୟକ୍ରମରେ ପ୍ରବଳ ଜନ ସମାଗମ ହୋଇଥିଲା । ପିଲାଙ୍କ ଠାରୁ ଆରମ୍ଭ କରି ବୟସ୍କ ପର୍ଯ୍ୟନ୍ତ, ସମସ୍ତେ ଏହି କାର୍ଯ୍ୟକ୍ରମରେ ସାମିଲ ହେବାସହ ମନଭରି ଉପଭୋଗ କରିଥିଲେ ।
ଏଥର ରାଜଧାନୀର କଳାଭୂମିରୁ ମଧୁସୂଦନ ପାର୍କ ପର୍ଯ୍ୟନ୍ତ ପଥୋତ୍ସବ ଆୟୋଜିତ ହୋଇଥିବା ବେଳେ ଭାଷା ସଂସ୍କୃତି ଓ ପର୍ଯ୍ୟଟନ ମନ୍ତ୍ରୀ ଅଶ୍ବିନୀ ପାତ୍ର ଏହାର ଉଦଘାଟନ କରିଥିଲେ । ଏହାସହ ଶେଷ ପଥୋତ୍ସବରେ ମନ୍ତ୍ରୀ ଅଶୋକ ପଣ୍ଡା, ଉତ୍ତର ବିଧାୟକ ସୁଶାନ୍ତ ରାଉତରାୟ ଭୁବନେଶ୍ବର ମେୟର ସୁଲୋଚନା ଦାସ, ଡେପୁଟି ମେୟର ମଞ୍ଜୁଲତା କହଁର ଓ କମିଶନର ବିଜୟ ଅମୃତା କୁଲାଙ୍ଗଙ୍କ ସମେତ କର୍ପୋରେଟର ଉପସ୍ଥିତ ଥିଲେ ।
ଏହା ମଧ୍ୟ ପଢ଼ନ୍ତୁ.....ଆରମ୍ଭ ହେଲା ପଥ ଉତ୍ସବ, ଦୁଲୁକିଲା ରାଜଧାନୀ ରାଜରାସ୍ତା
ଇଟିଭି ଭାରତ, ଭୁବନେଶ୍ବର