हृतिक रोशनच्या कुटुंबावरील 'द रोशन' मालिकेची घोषणा, जाणून घ्या कधी होणार प्रदर्शित

नेटफ्लिक्सनं हृतिक रोशनच्या कुटुंबावर आधारित एक मालिका जाहीर केली आहे. याचं प्रदर्शन कधीपासून सुरू होईल हे जाणून घेण्यासाठी वाचा.

मुंबई - बॉलिवूड फिल्म इंडस्ट्रीमध्ये काही महत्त्वाची घराणी आहेत ज्यांनी अनेक पिढ्यांचं मनोरंजन केलंय. या कुटुंबातील अनेकजण या मनोरंजनाच्या जगात अविरत काम करत आले आहेत. त्यापैकीच एक आहे हृतिक रोशनचं कुटुंब. दिवंगत रोशन लाल नागरथ, राकेश रोशन, राजेश रोशन आणि आता हृतिक रोशन यांनी बॉलिवूडमध्ये रोशन कुटुंबाचा पाया कायम भक्कम ठेवला आहे. हृतिक रोशनचे आजोबा रोशन हे एक उत्तम संगीतकार होते आणि हृतिक रोशनचे काका राजेश रोशन यांना त्यांच्या वडिलांकडून संगीताचा वारसा मिळाला होता. राकेश रोशन यांनी दिग्दर्शक म्हणून चित्रपटसृष्टीत नाव कमावलं आणि आता अभिनेता म्हणून हृतिक रोशन जगभरातील चाहत्यांच्या मनावर राज्य करत आहे. आता नेटफ्लिक्सनं या बॉलिवूडमधील रोशन कुटुंबावर 'द रोशन' या माहितीपट मालिकेची घोषणा केली आहे. आज, 4 डिसेंबर रोजी, आघाडीच्या नेटफ्लिक्सनं ओटीटी प्लॅटफॉर्मनं या मालिकेची अधिकृत घोषणा केली आणि मालिकेचं पोस्टर रिलीज केलं.

'द रोशन' कधी रिलीज होणार?

रोशन कुटुंबाच्या या माहितीपट मालिकेचे शीर्षक 'द रोशन' आहे. नेटफ्लिक्सनं सांगितले की द रोशन लवकरच नेटफ्लिक्सवर रिलीज होणार आहे. नेटफ्लिक्सनं आपल्या अधिकृत पृष्ठावर म्हटले आहे की 'द इल्युमिनेशन्स' ही माहितीपट मालिका चित्रपट उद्योगातील या यशस्वी कुटुंबाच्या कलेचा वारसा याचं दर्शन घडवेल. यानिमित्तानं रोशन कुटुंबाला जवळून जाणून घेण्याची संधी सिनेप्रेमींना पहिल्यांदाच मिळणार आहे. यासोबतच रोशन कुटुंबाच्या हिंदी चित्रपटसृष्टीतील योगदानावरही पडदा टाकला जाणार आहे.

हिंदी चित्रपटसृष्टीत संगीत कलेला नवी उर्जा देणारे दिवंगत रोशन लाल नागरथ यांच्या संगीतविश्वापासून 'द रोशन' मालिकेची सुरुवात होणार आहे. त्याचबरोबर रोशन कुटुंबाचे कर्तृत्वही या मालिकेत पाहायला मिळणार आहे. राकेश रोशन, राजेश रोशन आणि हृतिक रोशन यांचे हिंदी चित्रपटसृष्टीतील योगदानही लोकांना कळणार आहे.

कोण आहे मालिकेचा दिग्दर्शक ?

राकेश रोशन हे द रोशन या मालिकेचे निर्माता आहेत आणि शशी रंजन त्याचे सह-निर्माते आणि दिग्दर्शक आहेत. शशी रंजन यांनी आपला अनुभव सांगितला की, "या मालिकेचे दिग्दर्शन करणे हा माझ्यासाठी एक सन्माननीय प्रवास होता. यानिमित्तानं मला मला रोशन कुटुंबाच्या वारशाशी जोडण्याची संधी मिळाली याचा आनंद वाटतो. त्याबद्दल मी रोशन कुटुंबाचा आभारी आहे, रोशन कुटुंबाच्या सर्जनशीलतेची, त्यांच्या धैर्याची आणि बांधिलकीची कथा मी यातून जगाला दाखवणार आहे, ही माझ्यासाठी खूप आनंदाची गोष्ट आहे."

दरम्यान, नेटफ्लिक्स इंडियाच्या उपाध्यक्ष मोनिका शेरगिल म्हणाल्या, 'आम्हाला हे सांगताना खूप आनंद होत आहे की, "आम्ही अनेक पिढ्या सिनेप्रेमींच्या हृदयात स्थान निर्माण केलेल्या रोशन कुटुंबाचे जीवनपट तुमच्यासमोर आणत आहोत. मालिका ही एक हृदयस्पर्शी मालिका आहे, यात रोशन कुटुंबाचा भावनिक प्रवास अनुभवायला मिळणार आहे."