ന്യൂഡൽഹി:വനിതാ ടി20 ലോകകപ്പ് കിരീടം നേടി ന്യൂസിലൻഡ് ചരിത്രം സൃഷ്ടിച്ചു. ഇതാദ്യമായാണ് ന്യൂസിലൻഡ് ഐസിസി ലോകകപ്പ് കിരീടം സ്വന്തമാക്കുന്നത്. ദുബായില് ഞായറാഴ്ച നടന്ന മത്സരത്തില് ദക്ഷിണാഫ്രിക്കക്കെതിരേ 32 റണ്സിനായിരുന്നു ന്യൂസീലന്ഡിന്റെ വിജയം. പുരുഷ, വനിതാ ടീമുകളില് കീവിസ് നേടുന്ന ആദ്യ വനിതാ ടി20 ലോകകപ്പ് കിരീടമാണിത്.
കിരീടം സ്വന്തമാക്കിയതോടെ വന് സമ്മാനത്തുകയാണ് വിജയികള്ക്ക് ലഭിക്കുന്നത്. ടി20 ലോകകപ്പ് ജേതാക്കള്ക്കുള്ള തുക കഴിഞ്ഞ പതിപ്പിനേക്കാള് 134 ശതമാനം ഐ.സി.സി വര്ധിപ്പിച്ചിരുന്നു. ഇതുപ്രകാരം ചാമ്പ്യന്മാരായ കിവീസ് 2.34 മില്യണ് യു.എസ് ഡോളര് ലഭിക്കും. ഇന്ത്യന് രൂപയില് ഏകദേശം 19.6 കോടി രൂപ. കൂടാതെ ഫൈനലിലെ റണ്ണഴ്സ് അപ്പായദക്ഷിണാഫ്രിക്കയ്ക്ക് 1.17 മില്യണ് ഡോളര് ക്യാഷ് പ്രൈസും ലഭിക്കും. (9.8 കോടി ഇന്ത്യൻ രൂപ).