ഹൈദരാബാദ്: മലേഷ്യയ്‌ക്കെതിരായ ഫിഫ അന്താരാഷ്‌ട്ര സൗഹൃദ മത്സരത്തിനുള്ള ഇന്ത്യന്‍ ടീമിനെ പ്രഖ്യാപിച്ചു. 26 അംഗ ടീമിനെയാണ് പരിശീലകന്‍ മനോലോ മാര്‍ക്വേസ് പ്രഖ്യാപിച്ചത്. നവംബര്‍ 18ന് ഹൈദരാബാദിലെ ഗച്ചിബൗളി സ്റ്റേഡിയത്തിലാണ് മത്സരം. രണ്ട് മലയാളി താരങ്ങളും ടീമില്‍ ഇടംപിടിച്ചു.
ഐഎസ്എല്ലില്‍ കേരള ബ്ലാസ്റ്റേഴ്‌സ് മിഡ്ഫീൽഡർ വിബിൻ മോഹനനും നോർത്ത് ഈസ്റ്റ് യുണൈറ്റഡിനായി കളിക്കുന്ന തൃശൂർ സ്വദേശി ജിതിൻ എംഎസുമാണ് ടീമിലെ മലയാളി സാന്നിധ്യം. വിംഗറായി കളിക്കുന്ന ജിതിൻ നോർത്ത് ഈസ്റ്റിനായി മൂന്ന് അസിസ്റ്റുകൾ നേടിയിട്ടുണ്ട്. പരിശീലന ക്യാമ്പിനായി ഇന്ത്യന്‍ ഫുട്‌ബോള്‍ ടീം നവംബര്‍ 11 ന് ഹൈദരാബാദില്‍ എത്തും.