২০২৫ চনৰ জানুৱাৰীত দ্বিতীয়টো কাৰ্যকালৰ বাবে আমেৰিকা যুক্তৰাষ্ট্ৰৰ ৰাষ্ট্ৰপতি পদত বহিব ড’নাল্ড ট্ৰাম্প। সেই সময় ওচৰ চাপি অহাৰ লগে লগে ৰাজনৈতিক দৃশ্যপট, অনিশ্চয়তা আৰু অপ্ৰত্যাশিততাৰ মিশ্ৰণ হিচাপে চিহ্নিত হৈছে ৷ নিজৰ টীম গঢ়ি তোলাৰ ক্ষেত্ৰত ট্ৰাম্পৰ মাজত যি ইচ্ছা আৰু দৃঢ়তা দেখা গৈছে, ঘনিষ্ঠ আৰু বিশ্বস্ত বন্ধুবৰ্গৰ সৈতে নীতি পুনৰ নিৰ্মাণত তেওঁ যি দৃঢ় মনোভাৱৰ ইংগিত দিছে তাৰ পৰা ভাল কিবা এটাই হ‘ব বুলি আশা কৰিব পাৰি।
নিজৰ দলত ট্ৰাম্পে যিসকলক মনোনীত কৰিছে তাৰ ভিতৰত অন্যতম হৈছে- মাৰ্কো ৰুবিঅ' (বিদেশ সচিব), মাইকেল ৱাল্টজ (ৰাষ্ট্ৰীয় নিৰাপত্তা উপদেষ্টা), পিট হেগছেথ (প্ৰতিৰক্ষা সচিব), তুলসী গাবাৰ্ড (ৰাষ্ট্ৰীয় চোৰাংচোৱা সঞ্চালক) আৰু ৰবাৰ্ট এফ কেনেডি জুনিয়ৰ (স্বাস্থ্য আৰু মানৱ সেৱাৰ সচিব)।
সম্ভৱতঃ আটাইতকৈ আশ্চৰ্যজনক নিযুক্তিটো হৈছে ইলন মাস্ক আৰু বিবেক ৰামাস্বামীৰ ৷ তেওঁলোকক চৰকাৰী দক্ষতা বিভাগৰ দায়িত্ব দিয়া হৈছে। প্ৰথমবাৰৰ বাবে সৃষ্টি কৰা হৈছে এই বিভাগ, যিয়ে ৱাশ্বিংটন ডি.চি.- আৰু বিশ্বব্যাপী বৃহত্তৰ মঞ্চত শাসনব্যবস্থা শক্তিশালী কৰাৰ এক সাহসী উচ্চাকাংক্ষাৰ ইংগিত দিয়ে।
নিউয়ৰ্কত শনিবাৰে, 16 নৱেম্বৰ, 2024 তাৰিখে ইউএফচি 309 মিক্সড মাৰ্শাল আৰ্ট ফ্লাইৱেট শাখাৰ চুড়ান্ত প্ৰতিযোগিতাৰ সময়ত ইলন মাস্কৰ কাষত বহি ফোনত ব্যস্ত নিৰ্বাচিত ৰাষ্ট্ৰপতি ড’নাল্ড ট্ৰাম্প। (এপি) সেয়েহে প্ৰশ্ন উত্থাপিত হৈছে, কি হ'বলৈ গৈ আছে নৱ নিৰ্বাচিত ট্ৰাম্প প্ৰশাসনৰ বৈদেশিক নীতি, বিশ্বৰ মুখ্য শক্তিসমূহৰ প্ৰতি তেওঁৰ দৃষ্টিভংগী কি, আৰু অনাগত মাহবোৰত বিশ্বই কি আশা কৰিব পাৰে?
ট্ৰাম্প প্ৰশাসনে স্পষ্ট কৰি দিছে যে ইয়াৰ বৈদেশিক নীতিয়ে আমেৰিকাৰ একাধিক আভ্যন্তৰীণ বিষয়ক অগ্রাধিকাৰ দিব। বৈদেশিক নীতি মুদ্ৰাস্ফীতি, প্ৰব্ৰজন আৰু বাণিজ্যৰ ওপৰত আধাৰিত হ’ব ৷ তথাপিও, এই প্ৰতিটো সমস্যাই আমেৰিকাৰ সীমান্তৰ বাহিৰতো প্ৰভাৱ পেলাব, যাৰ ফলত আন্তৰ্জাতিক সম্পৰ্ক, মিত্ৰতা আৰু আনকি বিভিন্ন সংঘাত প্ৰভাৱিত হ'ব।
ড’নাল্ড ট্রাম্প প্রথমতে যি বিষয়ত মনোনিবেশ কৰিব বুলি আশা করা হৈছে, সেয়া হ’ল সংঘাত সমাধান ৷ ইউৰোপত ৰাছিয়া আৰু ইউক্ৰেইন, আৰু মধ্য প্ৰাচ্যত ইজৰাইল আৰু হামাছৰ মাজৰ যুদ্ধৰ বিষয়ে অগ্ৰাধিকাৰ পাব বুলি ভবা হৈছে ৷ এই প্ৰক্ৰিয়া সম্ভৱত তেওঁ আৰম্ভও কৰিছে ।
ৰাছিয়া
ট্ৰাম্প প্ৰশাসনৰ অধীনত, ৰাছিয়াই সম্ভৱতঃ এক চাপৰ বৈদেশিক নীতি হিচাপে অগ্ৰাধিকাৰ পাব। প্ৰাৰম্ভিক লক্ষণবোৰে দৰ্শায় যে ইউক্ৰেইন সংঘৰ্ষৰ সমাপ্তিৰ বাবে এটা শক্তিশালী প্ৰচেষ্টা গ্ৰহণ কৰা হ'ব পাৰে।
ট্ৰাম্পৰ দল মস্কোৰ সৈতে কূটনৈতিকভাৱে মীমাংসা কৰিবলৈ সাজু হোৱা যেন দেখা গৈছে ৷ ইয়াৰ সম্ভাৱ্য লক্ষ্য- মীমাংসাৰ জৰিয়তে উত্তেজনা হ্ৰাস কৰাৰ লগতে পূৱ ইউৰোপক স্থিতিশীল কৰা ৷ এই ক্ষেত্রত দ্বৈত অনুপ্রেৰণাৰ থল আছে ৷ এক, সংঘৰ্ষৰ সমাপ্তিয়ে বিশ্বব্যাপী শক্তি বজাৰ স্থিৰ কৰিব পাৰে। দুই, ই মুদ্ৰাস্ফীতিৰ চাপ হ্ৰাস কৰিব পাৰে, যি প্ৰশাসনৰ বাবে এক গুৰুত্বপূৰ্ণ আভ্যন্তৰীণ উদ্বেগ।
ৰাছিয়াৰ ৰাষ্ট্ৰপতি ভ্লাদিমিৰ পুটিন ৰাছিয়াৰ মস্কোৰ ক্ৰেমলিনত এখন বৈঠকত এক বাৰ্তালাপত। বৃহস্পতিবাৰে, 14 নৱেম্বৰ, 2024 (ইটিভি ভাৰতৰ জৰিয়তে স্পুটনিক) অৱশ্যে এই কৌশল বিপদজনকো ৷ ৰাছিয়াৰ প্ৰতি এক অত্যাধিক মীমাংসামূলক দৃষ্টিভংগীয়ে আমেৰিকা আৰু ইউৰোপীয় মিত্ৰশক্তিৰ মাজৰ সম্পৰ্কক প্ৰভাৱিত কৰিব পাৰে, যাৰ ভিতৰৰ বহুতে মস্কোৰ আক্ৰমণাত্মক নীতিক প্ৰতিহত কৰিবলৈ এক দৃঢ় স্থিতিৰ পক্ষপাতী। নাটোৰ দৰে পৰম্পৰাগত বহুপাক্ষিক মঞ্চক উপেক্ষা কৰি প্ৰত্যক্ষ আলোচনাৰ প্ৰতি ট্ৰাম্পৰ প্ৰৱণতাই মিত্ৰতাৰ গতিশীলতাক মৌলিকভাৱে সলনি কৰিব পাৰে।
যদি ট্ৰাম্পে সফলতাৰে এক শান্তি চুক্তিৰ মধ্যস্থতা কৰে, ই আমেৰিকা-ৰাছিয়াৰ সম্পৰ্কক নতুন ৰূপ দিব পাৰে, সন্ত্ৰাসবাদ বা শক্তিৰ দৰে ক্ষেত্ৰত সহযোগিতাৰ পথ মুকলি কৰিব পাৰে। কিন্তু ই নাটো সদস্যসকলৰ মাজত বিশ্বাস হ্ৰাস কৰিব পাৰে আৰু সামূহিক নিৰাপত্তাৰ প্ৰতি আমেৰিকা যুক্তৰাষ্ট্ৰৰ প্ৰতিশ্ৰুতিৰ বিষয়ে উদ্বেগ বৃদ্ধি কৰিব পাৰে। এই প্ৰতিযোগিতামূলক স্বাৰ্থৰ ভাৰসাম্য ৰখাটো ট্ৰাম্প প্ৰশাসনৰ বাবে গুৰুত্বপূৰ্ণ হ'ব।
চীন
চীন ট্ৰাম্পৰ বৈদেশিক নীতিৰ আটাইতকৈ জটিল আৰু বিতৰ্কিত দিশবোৰৰ এটা হৈ আছে। অৱশ্যে, প্ৰশাসনে এক দ্বন্দ্বমূলক অৱস্থান বজাই ৰাখিব বুলি আশা কৰা হৈছে। গুৰুত্ব সম্ভৱতঃ সামৰিক দিশৰ পৰা অৰ্থনৈতিক ব্যৱস্থালৈ স্থানান্তৰিত হ'ব। ট্ৰাম্পৰ দলে চীনৰ অৰ্থনৈতিক উত্থান প্ৰতিহত কৰিবলৈ আৰু বিশ্বব্যাপী যোগান শৃংখলাৰ ওপৰত ইয়াৰ প্ৰভাৱ হ্ৰাস কৰিবলৈ শুল্ক, বাণিজ্য আৰু প্ৰযুক্তিৰ ক্ষেত্ৰত বাধানিষেধ অব্যাহত ৰখাৰ অভিপ্ৰায়ৰ ইংগিত দিছে।
প্ৰাথমিকভাৱে গুৰুত্ব দিয়া বিষয়বোৰৰ ভিতৰত থাকিব পাৰে অৰ্ধপৰিবাহীৰ দৰে উন্নত প্ৰযুক্তিৰ যোগান শৃংখলা নিয়ন্ত্ৰণ কৰা আৰু বিৰল খনিজ পদাৰ্থৰ দৰে গুৰুত্বপূৰ্ণ সম্পদৰ ব্যৱহাৰ সুৰক্ষিত কৰা। এই পদ্ধতিটোৱে উৎপাদন ৰক্ষা কৰা আৰু চীনা আমদানিৰ ওপৰত আমেৰিকা যুক্তৰাষ্ট্ৰৰ নিৰ্ভৰশীলতা হ্ৰাস কৰাৰ প্ৰতি ট্ৰাম্পৰ দীৰ্ঘদিনীয়া প্ৰতিশ্ৰুতি প্ৰতিফলিত কৰে।
চীনৰ ৰাষ্ট্ৰপতি জি জিনপিঙে পেৰুৰ লিমাত অনুষ্ঠিত এপিইচি সন্মিলনৰ সময়ত অৰ্থনৈতিক নেতাসকলৰ এখন বৈঠকত অংশ গ্ৰহণ কৰে। শনিবাৰ, 16 নৱেম্বৰ, 2024 (এপিৰ জৰিয়তে কানাডিয়ান প্ৰেছ) অৱশ্যে, এনে ৰণনীতিয়ে গুৰুত্বপূৰ্ণ বিপদাশংকা বহন কৰে। চীন আমেৰিকা যুক্তৰাষ্ট্ৰৰ বহুকেইখন মিত্ৰশক্তিৰ বাবে এক মুখ্য বাণিজ্যিক অংশীদাৰ, আৰু অৰ্থনৈতিক সংঘৰ্ষৰ তীব্ৰতাই বিশ্বৰ বজাৰবোৰ অস্থিৰ কৰিব পাৰে। ট্ৰাম্প প্ৰশাসনে এক সূক্ষ্ম ভাৰসাম্য বজাই ৰাখিব লাগিব, মিত্ৰশক্তিক বিচ্ছিন্ন নকৰাকৈ বা এক বহল মন্দাৱস্থাৰ সৃষ্টি নকৰাকৈ নিজৰ অৰ্থনৈতিক লক্ষ্যৰ পূৰণৰ দিশে অগ্ৰসৰ হ’ব লাগিব।
একে সময়তে, এই পৰিকল্পিত পদ্ধতিয়ে চীনৰ অৰ্থনৈতিক আৰু প্ৰযুক্তিগত আধিপত্যৰ বিষয়ে উদ্বেগ প্ৰকাশ কৰা দেশবোৰৰ সৈতে মিত্ৰতা গঢ়ি তোলাৰ সুযোগ প্ৰদান কৰিব পাৰে। ইউৰোপ, এছিয়া আৰু ইয়াৰ বাহিৰৰ মিত্ৰশক্তিৰ সৈতে সমন্বয় ৰক্ষা কৰি, ট্ৰাম্প প্ৰশাসনে ইয়াৰ পদক্ষেপৰ প্ৰভাৱ বৃদ্ধি কৰিব পাৰে আৰু চীনৰ উচ্চাকাংক্ষা পৰীক্ষা কৰিবলৈ অধিক ঐক্যবদ্ধ জোঁট এটা সৃষ্টি কৰিব পাৰে।
ভাৰত আৰু ভাৰত-প্ৰশান্ত মহাসাগৰীয় অঞ্চল
ইণ্ডো-পেচিফিক অঞ্চলত, ট্ৰাম্প প্ৰশাসনে আঞ্চলিক শক্তিবোৰৰ মাজত বোজা ভাগ বাটোৱাৰা কৰিবলৈ এক সহযোগিতামূলক ৰণনীতি গ্ৰহণ কৰিব বুলি আশা কৰা হৈছে। ভাৰত অঞ্চলটোৰ এক গুৰুত্বপূৰ্ণ শক্তি হিচাপে এই ক্ষেত্ৰত কেন্দ্ৰীয় ভূমিকা পালন কৰিবলৈ সাজু। ট্ৰাম্পৰ দলটোৱে চীনৰ বৰ্ধিত প্ৰভাৱৰ প্ৰতিৰোধ কৰিবলৈ ভাৰত মহাসাগৰত বৰ্ধিত নৌ-উপস্থিতিকে ধৰি অধিক সক্ৰিয় নিৰাপত্তা ভূমিকা ল'বলৈ ভাৰতক উৎসাহিত কৰাৰ সম্ভাৱনা আছে।
প্ৰধানমন্ত্ৰী নৰেন্দ্ৰ মোদী আৰু আমেৰিকা যুক্তৰাষ্ট্ৰৰ নিৰ্বাচিত ৰাষ্ট্ৰপতি ডনাল্ড ট্ৰাম্প আৰু তেওঁৰ পত্নী মেলানিয়া ট্ৰাম্পে ২৪ ফেব্ৰুৱাৰী, ২০২০ তাৰিখে গুজৰাটৰ আহমেদাবাদৰ চাবৰমতী আশ্ৰমত। (ইটিভি ভাৰতৰ জৰিয়তে পিআইবি) এই ৰণনীতিয়ে ট্ৰাম্পৰ "আঞ্চলিক দায়বদ্ধতা"ৰ বহল দৃষ্টিভংগীৰ সৈতে সংগতি ৰাখে, যাৰ উদ্দেশ্য হৈছে মিত্ৰশক্তি আৰু অংশীদাৰসকলক শক্তিশালী কৰি আমেৰিকা যুক্তৰাষ্ট্ৰৰ নিৰাপত্তাৰ পদচিহ্ন হ্ৰাস কৰা। বৰ্ধিত প্ৰতিৰক্ষা সহযোগিতা, যেনে যুটীয়া সামৰিক অনুশীলন আৰু প্ৰযুক্তি-ভাগ-বাটোৱাৰা চুক্তিয়ে, এই অংশীদাৰিত্বৰ আধাৰশিলা গঠন কৰিব পাৰে। আমেৰিকা যুক্তৰাষ্ট্ৰ, ভাৰত, জাপান আৰু অষ্ট্ৰেলিয়াৰ মাজত এক কৌশলগত আলোচনা হিচাপে অভিপ্রেত কোৱাডক এই প্ৰশাসনৰ অধীনত অধিক শক্তিশালী কৰাৰ সম্ভাৱনা আছে।
তথাপিও, এই ৰণনীতিৰ সফলতা সতৰ্কিত আলোচনাৰ ওপৰত নিৰ্ভৰ কৰিব। ভাৰতে ঐতিহাসিকভাৱে ইয়াৰ কৌশলগত স্বায়ত্তশাসন সুৰক্ষিত কৰি আহিছে আৰু ইয়াৰ ৰাষ্ট্ৰীয় স্বাৰ্থৰ বাবে অত্যধিক ভুল বিবেচিত পদক্ষেপবোৰ প্ৰতিহত কৰিব পাৰে। তদুপৰি, ভাৰতৰ পৰা বৰ্ধিত প্ৰতিৰক্ষা ব্যয় বা প্ৰতিশ্ৰুতিৰ প্ৰত্যাশাই অংশীদাৰিত্বৰ সীমা পৰীক্ষা কৰিব পাৰে। এক দীৰ্ঘম্যাদী আৰু পাৰস্পৰিক ভাৱে লাভজনক মিত্ৰতা গঢ়ি তোলাৰ বাবে ভাৰতৰ অগ্ৰাধিকাৰৰ সৈতে আমেৰিকা যুক্তৰাষ্ট্ৰৰ স্বাৰ্থৰ ভাৰসাম্য ৰখাটো অপৰিহাৰ্য হ'ব।
গোলকীয় বিশ্বৰ ওপৰত প্ৰভাৱ
তেনেহ’লে, আন্তৰ্জাতিক শৃংখলাৰ বাবে এই সকলোবোৰৰ অৰ্থ কি? ৰাছিয়াৰ সৈতে কূটনৈতিক সমাধানৰ সম্ভাৱনা, চীনৰ বিৰুদ্ধে অৰ্থনৈতিক পদক্ষেপ আৰু ভাৰতৰ দৰে আঞ্চলিক শক্তিৰ ওপৰত দায়িত্ব স্থানান্তৰ- সকলোবোৰেই আমেৰিকা যুক্তৰাষ্ট্ৰৰ বিশ্বব্যাপী পদচিহ্নৰ পুনৰ অংকনৰ ইংগতি বহন কৰে। এই প্ৰশাসনে মিত্ৰতা আৰু বাণিজ্যিক অংশীদাৰীত্বক পুনৰ সংজ্ঞায়িত কৰিবলৈ সাজু হোৱা যেন পৰিলক্ষিত গৈছে, এক নতুন ভাৰসাম্য সৃষ্টি কৰিছে যি একেসময়তে কম হস্তক্ষেপকাৰী কিন্তু অত্যন্ত প্ৰভাৱশালী।
যদিও কোনোবা কোনোবা চিন্তিত যে ট্ৰাম্পৰ দৃষ্টিভংগীয়ে আন্তৰ্জাতিক শৃংখলাক দুৰ্বল কৰিব পাৰে, এই প্ৰশাসনে দীৰ্ঘম্যাদী সংঘাতৰ ক্ষেত্ৰত স্থিৰতা আনিব পাৰে বুলিও ধাৰণা আছে। যদি ট্ৰাম্পে এই জটিল আন্তৰ্জাতিক সম্পৰ্কবোৰ চম্ভালি থাকোঁতে দক্ষতাৰে তেওঁৰ ঘৰুৱা অগ্ৰাধিকাৰসমূহ পূৰণ কৰিব পাৰে, আমেৰিকা যুক্তৰাষ্ট্ৰই অধিক অৰ্থনৈতিকভাৱে কেন্দ্ৰীভূত শক্তি হিচাপে আত্মপ্ৰকাশ কৰিব পাৰে। এক নতুন, কম প্ৰত্যক্ষ উপায়েৰে ইয়াৰ বিশ্বব্যাপী প্ৰভাৱ পুনৰুদ্ধাৰ কৰিব পাৰে ৷
লগতে পঢ়ক:ট্ৰাম্পৰ বিজয়; কেনেদৰে লাভান্বিত হ'ব ভাৰত ?
