বৈদেশিক মন্ত্ৰণালয়ে এক বিবৃতিত কয়, "আমি ছিৰিয়ান সমাজৰ সকলো শ্ৰেণীৰ স্বাৰ্থ আৰু আকাংক্ষাক সন্মান জনাই এক শান্তিপূৰ্ণ আৰু সামগ্ৰিক ছিৰিয়ান নেতৃত্বাধীন ৰাজনৈতিক প্ৰক্ৰিয়াৰ পোষকতা কৰোঁ ।" এই কথা উল্লেখ কৰি লগতে কয় যে ডামাস্কাছত থকা ভাৰতীয় দূতাবাসে ভাৰতীয় সম্প্ৰদায়ৰ সৈতে তেওঁলোকৰ সুৰক্ষা আৰু নিৰাপত্তাৰ বাবে যোগাযোগ কৰি আছে ।
উল্লেখ্য যে ছিৰিয়াৰ নেতা আছাদ মস্কোলৈ পলাই যোৱাৰ এদিন পিচত ভাৰতে এই মন্তব্য কৰিছে । আনহাতে, তেওঁৰ দীৰ্ঘদিনীয়া সহযোগীৰ পৰা মস্কোত আশ্ৰয় লাভ কৰাৰ এদিন পিচত বিদ্ৰোহীয়ে ডামাস্কাছৰ নিয়ন্ত্ৰণ দখল কৰে আৰু তেওঁৰ পৰিয়ালৰ ৫০ বছৰীয়া লৌহ শাসনৰ সমাপ্তি ঘটায় ।
আনহাতে, হাজাৰ হাজাৰ ছিৰিয়াবাসীয়ে এই বিজয় উদযাপন কৰিবলৈ গুলী ফুটাই ৰাজপথত একত্ৰিত হয় আৰু আৰব স্প্ৰিঙৰ বিদ্ৰোহৰ প্ৰাৰম্ভিক দিনবোৰৰ কথা স্মৰণ কৰি বিপ্লৱী পতাকা উৰুৱায় । উল্লেখ্য যে এক নিৰ্মম অভিযান আৰু বিদ্ৰোহৰ উত্থানে দেশখনক প্ৰায় ১৪ বছৰ ধৰি গৃহযুদ্ধত আচ্ছন্ন কৰি ৰাখিছিল । ইফালে দ্ৰুতগতিত সংঘটিত ঘটনা প্ৰবাহে দেশখনৰ লগতে ইয়াৰ লগত সংযুক্ত বিস্তৃত অঞ্চলৰ ভৱিষ্যতৰ বিষয়েও প্ৰশ্ন উত্থাপন কৰিছিল ।
ইফালে ৰাছিয়াই ৰাষ্ট্ৰসংঘৰ নিৰাপত্তা পৰিষদৰ জৰুৰীকালীন অধিবেশনত ছিৰিয়াৰ বিষয়ে আলোচনা কৰিবলৈ অনুৰোধ জনাইছিছে । ৰাষ্ট্ৰসংঘত দেশখনৰ উপ-ৰাষ্ট্ৰদূত দিমিত্রি পলিয়ানস্কিয়ে টেলিগ্ৰামত এক পোষ্টত এই কথা উল্লেখ কৰিছে ।
