স্নান কৰাৰ পিচত আমাৰ শৰীৰৰ পৰা এক প্ৰকাৰৰ ভাগৰ আঁতৰ হয় আৰু শৰীৰ তথা মনটো সতেজ অনুভৱ হয় ৷ দৈনিক গা ধোৱাৰ ফলত শৰীৰটো চাফা হয় আৰু আপোনাক বহু ৰোগৰ পৰা আঁতৰাই ৰাখে ৷ কিন্তু বহুসময়ত গা ধোৱাৰ পিচত আমি কৰা কিছুমান ভুলে আমাৰ ছাল-চুলিৰ অভাৱনীয় ক্ষতি কৰে, যিয়ে আমাৰ সৌন্দৰ্য একেবাৰে নষ্ট কৰি পেলায় ৷ গা ধোৱাৰ পিচত কি সমূহ কাম আমি ভুলতো কৰিব নালাগে, আজি জানো আহক-
মুখখন বেছিকৈ ঘঁহি নাথাকিব
কিছুমানে গা ধুই আহিয়েই মুখৰ পানী শুকুৱাবলৈ গামোচা বা টাৱেলখনৰে মুখখন খুব ঘঁহি থাকে ৷ কিন্তু এনেদৰে ঘঁহি থকাৰ ফলত ছালখন বেয়াকৈ ক্ষতিগ্ৰস্ত হয় ৷ এনে পৰিস্থিতিত, মুখখনক নষ্ট হোৱাৰ পৰা সুৰক্ষিত কৰিবলৈ আপুনি টাৱেলখনৰে খুব লাহে লাহে চাপৰি মাৰি আপোনাৰ মুখখন শুকুৱাব ৷
তিতা চুলি ঘঁহি নাথাকিব
বহুতেই গা ধুই আহি চুলিখিনি ঘঁহি ঘঁহি শুকুৱাবলৈ চেষ্টা কৰে ৷ কিন্তু ই আপোনাৰ চুলি ক্ষতিগ্ৰস্ত কৰাৰ লগতে মানদণ্ডও নষ্ট কৰে ৷ গতিকে এনে নকৰি চুলিখিনি প্ৰাকৃতিকভাৱে শুকাবলৈ দিব ৷ ভালদৰে শুকুওৱাৰ পাচতহে চুলিত ফণী ব্যৱহাৰ কৰিব ৷