হায়দৰাবাদ: ইংলেণ্ডৰ বিৰুদ্ধে হোৱাইট বলৰ শৃংখলাৰ জৰিয়তে ভাৰতৰ বেগী বলাৰ মহম্মদ ছামী পুনৰ আন্তঃৰাষ্ট্ৰীয় ক্ৰিকেটলৈ ঘূৰি আহিব পাৰে । ক্ৰিকবাজৰ এক প্ৰতিবেদন অনুসৰি অভিজ্ঞ বেগী বলাৰগৰাকীয়ে ২২ জানুৱাৰীৰ পৰা ইংলেণ্ডৰ বিৰুদ্ধে অনুষ্ঠিত হ’বলগীয়া শৃংখলাৰ বাবে ভাৰতীয় জাতীয় দলত স্থান লাভ কৰিব পাৰে ।
২০২৩ চনৰ নৱেম্বৰ মাহত অনুষ্ঠিত হোৱা বিশ্বকাপৰ ফাইনেলৰ পিছৰে পৰা ছামী খেলপথাৰৰ পৰা আঁতৰত আছে । তেওঁ পুনৰ হোৱাইট বল ক্ৰিকেট খেলিবলৈ আৰম্ভ কৰে যদিও আন এটা আঘাতৰ বাবে তেওঁ আন্তঃৰাষ্ট্ৰীয় ক্ৰিকেটলৈ ঘূৰি অহাত বিলম্ব ঘটায় । ভাৰতীয় ক্ৰিকেট নিয়ন্ত্ৰণ ব’ৰ্ড (বি চি চি আই)ৰ তথ্য অনুসৰি ৰাষ্ট্ৰীয় ক্ৰিকেট একাডেমী (এন চি এ)ৰ চিকিৎসা দলে ছামীৰ ওপৰত তীক্ষ্ণ নজৰ ৰাখিছে । সোঁহাতৰ পেচাৰগৰাকীৰ গোৰোহাৰ অস্ত্ৰোপচাৰ কৰা হয় যদিও আঁঠু ফুলি উঠাৰ ফলত তেওঁ বৰ্ডাৰ গাভাস্কাৰ ট্ৰফীৰ পৰা বাহিৰ হয় ।
🚨 SHAMI IS COMING BACK...!!!! 🚨
— Johns. (@CricCrazyJohns) January 8, 2025
- Shami is likely to return in the England ODI series. [Cricbuzz] pic.twitter.com/nRJPdCw9gk
ঘৰুৱা ক্ৰিকেট খেলি থকা ছামীয়ে শেহতীয়াকৈ বংগৰ হৈ বিজয় হাজাৰে ট্ৰফীৰ কিছু খেলত অংশ লৈছে আৰু বৃহস্পতিবাৰে বৰোদাত হাৰিয়ানাৰ বিৰুদ্ধে প্ৰি-কোৱাৰ্টাৰ ফাইনেলত পুনৰ খেলিবলৈ সাজু হৈছে ।
🚨 WELCOME BACK SHAMI. 🚨
— Mufaddal Vohra (@mufaddal_vohra) January 8, 2025
- Mohammad Shami set to be picked for the England series and 2025 Champions Trophy. (Cricbuzz). pic.twitter.com/gDyZ5PdWc0
প্ৰতিবেদনত আৰু কোৱা হৈছে যে বাছনি সমিতিৰ সদস্যসকলে বিজয় হাজাৰে ট্ৰফীৰ খেলত অংশগ্ৰহণ কৰি ছামীৰ প্ৰদৰ্শনৰ মূল্যায়ন কৰিব । যদিও এতিয়াও এন চি এৰ পৰা গ্ৰীণ চিগনেল পোৱা নাই, তথাপিও ছামীৰ ফিটনেছক লৈ আশাবাদী ।
🚨 MOHAMMED SHAMI IS COMING 🚨
— Tanuj Singh (@ImTanujSingh) January 8, 2025
- Mohammed Shami is set to be picked in India's squad for series against England & Champions Trophy 2025. (Cricbuzz). pic.twitter.com/7td8EpaUAG
অষ্ট্ৰেলিয়াৰ বিৰুদ্ধে শৃংখলাত হোৱা কঁকালৰ বিষৰ পৰা আকাশ দীপৰ এতিয়াও সুস্থ হ’ব পৰা নাই, যাৰবাবে ইংলেণ্ড শৃংখলাৰ বাবে আকাশ দীপ উপলব্ধ হোৱাৰ সম্ভাৱনা নাই । ২৮ বছৰীয়া খেলুৱৈগৰাকী কমেও এমাহৰ বাবে দলৰ পৰা আঁতৰি থকাৰ সম্ভাৱনা আছে । ইফালে বৰ্ডাৰ-গাভাস্কাৰ ট্ৰফীৰ সময়ত প্ৰৱল চাপৰ সন্মুখীন হোৱা পেচাৰ যুটি যশপ্ৰীত বুমৰাহ আৰু মহম্মদ চিৰাজে ইংলেণ্ডৰ বিৰুদ্ধে টি-২০ৰ বাবে জিৰণি লোৱাৰ সম্ভাৱনা আছে ৷ দুয়োজনে টেষ্ট শৃংখলাত ১৫০ অভাৰতকৈ অধিক বলিং কৰে ।
Precision, Pace, and Passion, All Set to Take on the World! 🌍💪 #Shami #TeamIndia pic.twitter.com/gIEfJidChX
— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) January 7, 2025
অহা ১২ জানুৱাৰীত হ’বলগীয়া বি চি চি আইৰ বাৰ্ষিক সাধাৰণ সভা (এজিএম)ৰ আশে-পাশে ইংলেণ্ডৰ বিৰুদ্ধে সীমিত অভাৰৰ শৃংখলা আৰু চেম্পিয়নছ ট্ৰফীৰ বাবে অস্থায়ী দলৰ নাম বাছনি সমিতিখনে ঘোষণা কৰাৰ সম্ভাৱনা আছে । ইংলেণ্ডে ২২ জানুৱাৰীৰ পৰা ১২ ফেব্ৰুৱাৰীৰ ভিতৰত পাঁচখন টি-২০ আৰু তিনিখন এদিনীয়া খেলৰ বাবে ভাৰত ভ্ৰমণ কৰিব ।
লগতে পঢ়ক: পাকিস্তানে হেৰুৱাব পাৰে চেম্পিয়নছ ট্ৰফী ২০২৫ৰ আয়োজকৰ দায়িত্ব
