নতুন দিল্লী: ২০২৪ চনত আন্তঃৰাষ্ট্ৰীয় ক্ৰিকেটৰ পৰা অৱসৰ লোৱাৰ কথা ঘোষণা কৰিছিল প্ৰাক্তন বাওঁহতীয়া ভাৰতীয় ক্ৰিকেটাৰ শিখৰ ধৱনে । জনপ্ৰিয়ভাৱে গব্বৰ নামেৰে পৰিচিত এইগৰাকী ভাৰতীয় ক্ৰিকেটাৰ খেলপথাৰত চাৰি আৰু ছয়ৰ লগতে ছ’চিয়েল মিডিয়াত ধেমেলীয়া ভিডিঅ’ৰ বাবেও পৰিচিত । ছ’চিয়েল মিডিয়াত অতি সক্ৰিয় ধৱনে ট্ৰেণ্ডিং ৰীল পুনৰ সৃষ্টি কৰি অনুৰাগীক মনোৰঞ্জন দিবলৈ কেতিয়াও ব্যৰ্থ নহয় ।
শিখৰ ধৱনে শেহতীয়াকৈ নিজৰ ইনষ্টাগ্ৰামত পিতৃৰ সৈতে এটা ধেমেলীয়া ৰীল শ্বেয়াৰ কৰিছিল । য’ত তেওঁ দ্বিতীয়বাৰৰ বাবে পিতৃক বিয়া কৰাবলৈ ইচ্ছা প্ৰকাশ কৰা দেখা গৈছে । ভিডিঅ’টোত পিতৃয়ে দিয়া উত্তৰ ছ’চিয়েল মিডিয়াত ভাইৰেল হৈ পৰিছে ।
ধৱনে দ্বিতীয়বাৰৰ বাবে বিয়া কৰাবলৈ ইচ্ছা প্ৰকাশ কৰে :
শিখৰ ধাৱনে তেওঁৰ অফিচিয়েল ইনষ্টাগ্ৰাম একাউণ্টৰ পৰা সুধিলে, "মোক কিমান বেয়া দেখা গৈছে, কওকচোন ?" কেপচনৰ সৈতে এটা ভিডিঅ’ ৰীল শ্বেয়াৰ কৰা হৈছে । ৰীলত ধৱনে দেউতাকক কৈ আছে - "পাপা, দ্বিতীয়বাৰৰ বাবে বিয়া হ'ব বিচাৰো ৷" এই কথাত তেওঁৰ দেউতাকে কয়, "হেৰা, মইও তোমাক হেলমেট পিন্ধাই তোমাৰ প্ৰথম বিয়াখন সম্পন্ন কৰিছিলোঁ ৷" দেউতাকৰ পৰা এনে উত্তৰ শুনি ধৱনে দুখ মনেৰে চোফাত বহি থাকে । ছ’চিয়েল মিডিয়াত ভাইৰেল হৈ পৰিছে পিতৃ-পুত্ৰৰ এই ধেমেলীয়া ভিডিঅ' ৷ যাৰ ওপৰত তেওঁৰ অনুৰাগীয়ে ধেমেলীয়া মন্তব্য কৰিছে ।
দ্বিতীয়বাৰ কাক বিয়া কৰাব ধৱনে :
উল্লেখ্য যে, বিবাহৰ ৮ বছৰৰ পাছত শিখৰ ধৱনে প্ৰথম পত্নী আয়েশা মুখাৰ্জীৰ সৈতে বিবাহ বিচ্ছেদ কৰে ৷ ধৱনৰ প্ৰথম পত্নীৰ পৰা এটি পুত্ৰ জোৰাৱাৰ ধৱনো আছে ৷ এই ধেমেলীয়া ভিডিঅ’টোৰ জৰিয়তে শিখৰ ধৱনে দ্বিতীয়বাৰৰ বাবে বিয়া হোৱাৰ ইচ্ছা প্ৰকাশ কৰিছে । অৱশ্যে তেওঁৰ দ্বিতীয় কইনা কোন হ’ব আৰু দ্বিতীয়বাৰৰ বাবে কাক বিয়া কৰাব সেই সন্দৰ্ভত এতিয়ালৈকে কোনো তথ্য পোৱা হোৱা নাই ।
শিখৰ ধৱনৰ আন্তঃৰাষ্ট্ৰীয় কেৰিয়াৰ :
শিখৰ ধৱনৰ আন্তঃৰাষ্ট্ৰীয় কেৰিয়াৰ যথেষ্ট উজ্জ্বল আছিল । প্ৰথমবাৰৰ বাবে টেষ্ট মেচতো শতক অৰ্জন কৰে ধৱনে । এই গতিশীল বেটছমেনগৰাকীয়ে ভাৰতক প্ৰতিনিধিত্ব কৰি ৩৪খন টেষ্ট, ১৬৭খন এদিনীয়া আৰু ৬৮খন টি-২০ আন্তঃৰাষ্ট্ৰীয় মেচত অংশগ্ৰহণ কৰিছে । টেষ্টত তেওঁৰ ২৩১৫ ৰাণ, এদিনীয়াত ৬৭৯৩ ৰাণ আৰু টি-২০ত ১৭৫৯ ৰাণ কৰে । তেওঁৰ আই পি এল কেৰিয়াৰো অতি ফলপ্ৰসূ হোৱাত তেওঁ ২২২ খন মেচত ৬৭৬৯ ৰাণ সংগ্ৰহ কৰিছে ।
লগতে পঢ়ক: বিবাহ বিচ্ছেদৰ পিছত বিদেশী মহিলাৰ প্ৰেমত মচগুল প্ৰাক্তন ভাৰতীয় ক্ৰিকেটাৰ শিখৰ ধৱন
