সোনাক্ষী-জাহীৰৰ মেহেন্দী অনুষ্ঠান; সুন্দৰ সাজ-পোচাকত দেখা গ’ল দম্পতীক, ফটো চাওক - Sonakshi Zaheer Mehndi Ceremony

Sonakshi Sinha and Zaheer Iqbal Mehndi Ceremony : সোনাক্ষী সিনহা আৰু জাহীৰ ইকবালৰ মেহেন্দী অনুষ্ঠানৰ ফটো সম্প্ৰতি ছ’চিয়েল মিডিয়াত ভাইৰেল হৈ পৰিছে । চাওক ফটো...

চিটাৰা ডেস্ক, 22 জুন :কাইলৈ ​​অৰ্থাৎ 23 জুনত প্ৰেমিক জাহীৰ ইকবালৰ সৈতে বিবাহপাশত আৱদ্ধ হ'বলৈ গৈ আছে সোনাক্ষী সিনহা ৷ ইফালে, সোনাক্ষী সিনহাৰ ঘৰত পোহৰেৰে আলোকিত হৈ পৰাৰ লগতে অভিনেত্ৰীগৰাকীৰ বিবাহৰ প্ৰস্তুতি পূৰ্ণগতিত চলি আছে ৷

সোনাক্ষী-জাহীৰৰ মেহেন্দী অনুষ্ঠান; সুন্দৰ সাজ-পোচাকত দেখা গ’ল দম্পতীক (ETV Bharat)

শুকুৰবাৰৰ দিনটোত সোনাক্ষী সিনহা আৰু জাহীৰ ইকবালে ইজনে একেলগে পৰিয়ালৰ সৈতে ৰাতিৰ আহাৰ গ্ৰহণ কৰে ৷ একে সময়তে জাহীৰ ইকবালক তেওঁৰ শহুৰেক তথা জ্যেষ্ঠ অভিনেতা শত্ৰুঘ্ন সিনহাৰ সৈতেও দেখা গৈছিল ৷ সম্প্ৰতি সোনাক্ষী সিনহা আৰু জাহীৰ ইকবালৰ বিবাহনুষ্ঠানৰ প্ৰস্তুতি আৰম্ভ হৈছে আৰু তাৰ মাজতে সোনাক্ষী-জাহীৰৰ মেহেন্দী অনুষ্ঠানৰ এখন ছবি পোহৰলৈ আহিছে ৷

ফটোখনত দেখিবলৈ পোৱাৰ দৰে সোনাক্ষী সিনহা আৰু জাহীৰ ইকবালৰ বহু বন্ধুৱে এই মেহেন্দী অনুষ্ঠানত অংশগ্ৰহণ কৰে ৷ এই ছবিখন ছ’চিয়েল মিডিয়াত শ্বেয়াৰ কৰিছে দম্পতীটোৰ এজন বন্ধুৱে ৷ এই ক’লাজত মেহেন্দীৰ এখন ছবিও অন্তৰ্ভূক্ত কৰা হৈছে, যিখন ছবি বৰ ধুনীয়া ৷ মেহেন্দী অনুষ্ঠানৰ এই ছবিখনত সোনাক্ষী আৰু জাহীৰ একেলগে থিয় হৈ আছে ৷ সোনাক্ষী সিনহাই মেৰুণ ৰঙৰ পোচাক পিন্ধিছে আৰু জাহীৰ ইকবালক ফুলৰ কুৰ্তা আৰু বগা পায়জামা পিন্ধি থকা দেখা গৈছে ৷

লগতে পঢ়ক:আজিকালি ল’ৰা-ছোৱালীয়ে পৰামৰ্শ নলয়... সন্তানৰ এইবোৰ কাৰ্যত ভাগি পৰে পিতৃ-মাতৃ - Sonakshi Sinha Marriage

লাইটেৰে আলোকিত অভিনেত্ৰী বাসগৃহ

একে সময়তে সোনাক্ষী সিনহাৰ ঘৰখন পোহৰেৰে আলোকিত হৈ পৰিছে ৷ সোনাক্ষী সিনহাৰ ঘৰৰ শেহতীয়া ফটো আৰু ভিডিঅ’ ভাইৰেল হৈ পৰিছে ছ’চিয়েল মিডিয়াত ৷ ইফালে, সোনাক্ষীৰ বিবাহনুষ্ঠানত অংশ ল’বলৈ সুদূৰ আমেৰিকাৰ পৰা ৰাওনা হৈছে তেওঁৰ খুৰাক ৷

একে সময়তে শত্ৰুঘ্ন সিনহায়ো কৈছে যে তেওঁ নিশ্চিতভাৱে কন্যাৰ বিয়ালৈ আহিব ৷ কোৱা হৈছে যে প্ৰথমে সোনাক্ষীৰ জাহীৰৰ ঘৰত পঞ্জীভুক্ত বিবাহ হ’ব আৰু তাৰ পিচত 23 জুনত দম্পতীটোৱে ৰাজকীয় শৈলীত বিবাহপাশত আৱদ্ধ হ’ব ৷ একে সময়তে এই বিবাহনুষ্ঠানত ছলমান খানৰ আগমনকলৈও যথেষ্ট জল্পনা-কল্পনাৰ সৃষ্টি হৈছে ৷

উল্লেখ্য যে, সম্প্ৰতি ছলমান খানে তেওঁৰ একচন ছবি ছিকন্দৰৰ শ্বুটিঙক লৈ ব্যস্ত আছে ৷

লগতে পঢ়ক:বিয়াত সহমত নাই বুলি বাতৰি প্ৰচাৰ হোৱাৰ পাচত একেলগে দেখা গ’ল শত্ৰুঘ্ন সিন্হা-জাহীৰক - Sonakshi Zaheer Wedding