মুম্বাই : কৰীণা কাপুৰ খানে তেওঁৰ মুম্বাইৰ ঘৰত হোৱা হিংসাত্মক আক্ৰমণ সন্দৰ্ভত আৰক্ষীৰ ওচৰত তেওঁৰ বক্তব্য লিপিবদ্ধ কৰিছে, য'ত তেওঁৰ স্বামী, অভিনেতা ছৈফ আলী খানক একাধিকবাৰ ছুৰিকাঘাত কৰা হৈছিল । ঘটনাটো ১৬ জানুৱাৰীৰ পুৱতি নিশা সংঘটিত হৈছিল ।
চোৰ অতি আক্ৰমণাত্মক আছিল: কৰীণা
বিবৃতিত কৰীণাই প্ৰকাশ কৰিছে যে আক্ৰমণকাৰীজন অতি আক্ৰমণাত্মক আছিল । হতাহতিৰ সময়ত অতি আক্ৰমণাত্মকৰূপে তেওঁ ছৈফক আঘাত কৰে ৷ কৰীণাই কৈছে যে তেওঁলোকৰ ঘৰত কোনো সামগ্ৰী চুৰি হোৱা নাছিল । বান্দ্ৰা আৰক্ষীক দিয়া তেওঁৰ বিবৃতিত কৰীণাই কয় যে কেনেদৰে আক্ৰমণকাৰীজনে ছৈফক নিৰন্তৰ আক্ৰমণ কৰিছিল ৷ তেওঁক দেখি ঘৰৰ পৰা চুৰি কৰাৰ অভিপ্ৰায় নাছিল যেন অনুমান হয় । যেতিয়া ছৈফে আক্ৰমণকাৰীজনক তেওঁলোকৰ সৰু পুত্ৰ জেহৰ পৰা আঁতৰাই ৰাখিবলৈ চেষ্টা কৰে তেতিয়াই এই হিংসাত্মক ঘটনাটো সংঘটিত হয় ।
কৰীণাই আৰক্ষীক কয় যে আক্ৰমণৰ পিছত তেওঁ ভগ্নী কৰিশ্মা কাপুৰৰ খাৰৰ ঘৰলৈ গুচি যায় । "মই আতংকিত হৈ পৰিছিলো, সেয়েহে কৰিশ্মাই মোক তাইৰ ঘৰলৈ লৈ গৈছিল ৷"
আক্ৰমণকাৰীক ধৰিবলৈ কাম কৰি আছে ৩০ টাতকৈয়ো অধিক দলে
এতিয়াও পলাতক অৱস্থাত থকা আক্ৰমণকাৰীক ধৰিবলৈ ৩০টাতকৈয়ো অধিক দলে কাম কৰি আছে । খবৰ অনুসৰি, অনুপ্ৰৱেশকাৰীয়ে গৃহ সহায়কজনৰ পৰাও ১ কোটি টকা দাবী কৰে, যিজন সহায়ক এই কাণ্ডৰ সময়ত আহত হয় ।
ছৈফ আলী খানক সোনকালে অব্যাহতি দিয়া হ'ব
ডিঙিৰ পৰা ২.৫ ইঞ্চি ছুৰী আঁতৰোৱাৰ অস্ত্ৰোপচাৰ সফল হয় ৷ এতিয়া ভালদৰে আৰোগ্য হৈ উঠিছে অভিনেতাজন । চিকিৎসকসকলৰ মতে, তেওঁক ২১ জানুৱাৰীৰ ভিতৰত অব্যাহতি দিয়াৰ সম্ভাৱনা আছে । "আমি তেওঁৰ প্ৰগতি লক্ষ্য কৰি আছো আৰু তেওঁ আমাৰ প্ৰত্যাশা অনুসৰি উৎকৃষ্ট প্ৰদৰ্শন কৰি আছে । তেওঁৰ প্ৰগতি অনুসৰি, আমি তেওঁক বিচনাত বিশ্ৰাম লোৱাৰ পৰামৰ্শ দিছো আৰু যদি তেওঁৰ অৱস্থা সুস্থিৰ হয়, তেন্তে দুইৰ পৰা তিনি দিনৰ ভিতৰত আমি তেওঁক অব্যাহতি দিম," লীলাৱতী চিকিৎসালয়ৰ নিউৰ’ছাৰ্জন ডাঃ নীতিন ডাংগেই শুকুৰবাৰে এক নিউজৱায়াৰক জনায় ।
আক্ৰমণকাৰীজনক এতিয়াও আৰক্ষীয়ে আটক কৰিব পৰা নাই আৰু আক্ৰমণৰ উদ্দেশ্য কেৱল ধৰা পৰাৰ পিছতহে জানিব পৰা যাব । (এজেন্সিৰ ইনপুটৰ সৈতে)
লগতে পঢ়ক : ছৈফ আলী খানৰ এটা অস্ত্ৰোপচাৰ সম্পন্ন: শৰীৰৰ পৰা ওলাল 3 ইঞ্চি দীঘল চোকা ধাতুৰ টুকুৰা
