নতুন দিল্লী: শনিবাৰৰ পৰা আৰম্ভ হৈছে আই চি চিৰ ১৯ অনুৰ্ধ মহিলা টি-২০ বিশ্বকাপ ২০২৫ । ডিফেণ্ডিং চেম্পিয়ন ভাৰতক মালয়েছিয়া, শ্ৰীলংকা আৰু ৱেষ্ট ইণ্ডিজৰ লগতে গ্ৰুপ এত স্থান দিয়া হৈছে । নিকি প্ৰসাদৰ নেতৃত্বত ভাৰতে অহা ১৯ জানুৱাৰী দেওবাৰে কুৱালালামপুৰৰ বায়ুমাছ অভালত ৱেষ্ট ইণ্ডিজৰ বিৰুদ্ধে অভিযান আৰম্ভ কৰিব ।
ইংলেণ্ড, আয়াৰলেণ্ড, পাকিস্তান আৰু আমেৰিকাই গ্ৰুপ বিত থাকে । গ্ৰুপ চিত আছে নিউজীলেণ্ড, নাইজেৰিয়া, চামোয়া আৰু দক্ষিণ আফ্ৰিকা । গ্ৰুপ ডিত অষ্ট্ৰেলিয়া, বাংলাদেশ, নেপাল আৰু স্কটলেণ্ড আছে । ২৩ জানুৱাৰীলৈকে গ্ৰুপ পৰ্যায়ৰ মেচ অনুষ্ঠিত হ’ব, তাৰ পিছত ২৫ জানুৱাৰীৰ পৰা আৰম্ভ হ’ব ছুপাৰ ছিক্স ।
Changing the game ➡️ The game-changers#U19WorldCup
— ICC (@ICC) January 15, 2025
More 👉 https://t.co/a7Jp8KzZBm pic.twitter.com/BxZNd95OUS
দুয়োখন ছেমি ফাইনেল ৩১ জানুৱাৰীত অনুষ্ঠিত হ’ব ৷ বায়’মাছ অ’ভেলত ২ ফেব্ৰুৱাৰীত অনুষ্ঠিত হ’ব ফাইনেল খেলখন । দক্ষিণ আফ্ৰিকাত ২০২৩ চনৰ সংস্কৰণত ইংলেণ্ডক পৰাস্ত কৰি শ্বেফালী বাৰ্মাৰ নেতৃত্বাধীন ভাৰতীয় দলটোৱে ডিফেণ্ডিং চেম্পিয়ন হিচাপে পৰিগণিত হয় ।
Great to see the smiling faces of the 16 #U19worldcup captains in Kuala Lumpur, Malaysia ahead of the @ICC Women's @T20WorldCup starting on January 18. Best wishes to all of these young stars and their teams. pic.twitter.com/rZPFVeq6W1
— Jay Shah (@JayShah) January 14, 2025
U19 মহিলা T20 বিশ্বকাপ 2025 ৰ লাইভ ষ্ট্ৰীমিং আৰু লাইভ টেলিকাষ্টৰ সৈতে জড়িত সকলো গুৰুত্বপূৰ্ণ তথ্য :
- U19 মহিলা T20 বিশ্বকাপ 2025ৰ লাইভ কেতিয়া আৰু ক’ত চাব ?
১৯ বছৰ অনুৰ্ধ মহিলা টি-২০ বিশ্বকাপ ২০২৫ৰ খেলসমূহ পুৱা ৮:০০ বজাত আৰু নিশা ১২:০০ বজাত আৰম্ভ হ’ব ।
- ১৯ বছৰ অনুৰ্ধ মহিলাৰ টি-২০ বিশ্বকাপ ২০২৫ লাইভ ক’ত চাব ?
ষ্টাৰ স্প’ৰ্টছ নেটৱৰ্কৰ ওচৰত আছে ১৯ বছৰ অনুৰ্ধ মহিলা টি-২০ বিশ্বকাপ ২০২৫ৰ সম্প্ৰচাৰৰ অধিকাৰ । এই মেচসমূহ ষ্টাৰ স্প’ৰ্টছ ২ (এইচডি+এছডি) আৰু ষ্টাৰ স্প’ৰ্টছ ১ হিন্দী (এইচডি+এছডি)ত টেলিকাষ্ট কৰা হ’ব ।
যদি ভাৰতে যোগ্যতা অৰ্জন কৰে তেন্তে ষ্টাৰ স্প’ৰ্টছ ১ হিন্দী (HD+SD) য়ে কেৱল ছেমি ফাইনেল আৰু ফাইনেলহে সম্প্ৰচাৰ কৰিব ।
১৯ বছৰ অনুৰ্ধ মহিলা টি-২০ বিশ্বকাপ ২০২৫ৰ ভাৰতীয় দল
নিকি প্ৰসাদ (অধিনায়ক), শনিকা চলকে, জি তৃষা, কমলিনী জি, ভৱিকা আহিৰে, ঈশ্বৰী অৱসাৰে, মিথিলা বিনোদ, যোশিতা ভি জে, সোণম যাদৱ, পাৰুণিকা ছিচ’দিয়া, কেছাৰী দৃতি, আয়ুষী শুক্লা, আনন্দিতা কিশোৰ, এম ডি শবনম, বৈষ্ণৱী এছ ৷
