চিটাৰা ডেস্ক, 3 জুলাই :অনন্ত আম্বানী আৰু ৰাধিকা মাৰ্চেণ্টৰ অতি প্ৰত্যাশিত বিয়াখন ১২ জুলাইত মুম্বাইৰ বান্দ্ৰা-কুৰ্লা কমপ্লেক্সৰ জিঅ' ৱৰ্ল্ড কনভেনশ্যন চেণ্টাৰত অনুষ্ঠিত হ'ব । মে’ মাহত এটা সংবাদ সংস্থাই অনন্ত-ৰাধিকাৰ বিয়াৰ নিমন্ত্ৰণী কাৰ্ডখনৰ এক আভাস ছ’চিয়েল মিডিয়াত শ্বেয়াৰ কৰাৰ পাচৰে পৰাই এই বিয়াখনক লৈ সকলোৰে মাজতে উত্তেজনা দেখিবলৈ পোৱা গৈছে ।
২ জুলাইত আম্বানী পৰিয়ালে ‘সমুহ বিবাহ’ (গণ বিবাহ) ৰ আয়োজন কৰে, য’ত পালঘৰৰ ৫০টাতকৈয়ো অধিক দুখীয়া দম্পতীৰ বিবাহকাৰ্য সম্পন্ন হয় । এই গণ বিবাহে উদাৰতাৰ হৃদয়স্পৰ্শী ছবি দাঙি ধৰে, য’ত প্ৰতিগৰাকী কইনাই মংগলসূত্ৰ, বিয়াৰ আঙুঠি, নাকফুলি, ভৰিৰ আঙুলিৰ আঙুঠি, পায়েল, সোণ আৰু ৰূপৰ গহনা আদি লাভ কৰে । ইয়াৰ উপৰিও তেওঁলোকৰ ব্যক্তিগত সম্পত্তিৰ প্ৰতীক হিচাপে তেওঁলোকক ‘স্ত্ৰীধন’ হিচাপে ১.০১ লাখ টকাৰ চেক প্ৰদান কৰা হয় । প্ৰতিটো দম্পতীয়ে নতুন ঘৰ স্থাপনৰ বাবে অত্যাৱশ্যকীয় গেলামাল, ঘৰুৱা সামগ্ৰী, সঁজুলি আদিও লাভ কৰে ।
কাউন্টডাউন আৰম্ভ হোৱাৰ লগে লগে এতিয়া বিবাহৰ সময়সূচী প্ৰকাশ কৰা হৈছে ৷ এই সময়সূচীয়ে তিনিদিনীয়া উদযাপন আৰু মনোৰঞ্জনৰ প্ৰতিশ্ৰুতি দিছে ।
- ১২ জুলাইত অনুষ্ঠিত হ’ব মূল বিবাহ অনুষ্ঠান ‘শুভ বিবাহ’ ৷ অতিথিসকলক ভাৰতীয় পৰম্পৰাগত সাজ-পোচাক পৰিধান কৰিবলৈ অনুৰোধ কৰা হৈছে ।
- 13 জুলাইত ‘শুভ আশীৰ্বাদ’ অনুষ্ঠান অনুষ্ঠিত হ'ব, য'ত অতিথিসকলক ভাৰতীয় আনুষ্ঠানিক পোচাক পিন্ধি আহিবলৈ কোৱা হৈছে ।
- অৱশেষত, 14 জুলাইত ‘মংগল উৎসৱ’ বা বিবাহৰ অভ্যৰ্থনা অনুষ্ঠান অনুষ্ঠিত হ'ব, য’ত অতিথিসকলক ভাৰতীয় চিক (Chic) থীম ড্ৰেছ কোডৰ সৈতে আমন্ত্ৰণ জনোৱা হৈছে ।
ইতিমধ্যে বিবাহৰ পূৰ্বৰ অনুষ্ঠানবোৰে এক চমৎকপ্ৰদ উদযাপনৰ ইংগিত দিছে ৷ জামনগৰত আন্তঃৰাষ্ট্ৰীয় তাৰকা ৰিহানা-একন আৰু বিলাসী ক্ৰুজত বেকষ্ট্ৰীট বয়জ, পিটবুল আৰু এণ্ড্ৰিয়া বোচেলিৰ দ্বাৰা অনুষ্ঠান পৰিৱেশন কৰা হৈছিল ।
সূত্ৰ অনুসৰি, মুম্বাইৰ বিবাহত এডেল, ড্ৰেক আৰু লানা ডেল ৰেৰ প্ৰদৰ্শন কৰা হ'ব বুলি জানিব পৰা গৈছে ৷ তেওঁলোকৰ উপস্থিতি চূড়ান্ত কৰাৰ বাবে বৰ্তমানে আলোচনা চলি আছে।
লগতে পঢ়ক :এখন বিশেষ বিয়া : দুটাকৈ প্ৰি-ৱেডিঙৰ অনুষ্ঠানৰ সৈতে ঘোষণা কৰিলে তাৰিখ - anant radhika wedding
