పెళ్లి కోసం సాహసం.. థర్మకోల్​ షీట్​తో వరదలో 7కి.మీ జర్నీ!

మహారాష్ట్ర నాందేడ్​ జిల్లాలో కురుస్తున్న భారీ వర్షాలకు నదులు పొంగిపొర్లుతున్నాయి. దీంతో అనేక గ్రామాలకు రాకపోకలు నిలిచిపోయాయి. ఈ నేపథ్యంలోనే హడ్గావ్​ మండలం కొర్రి గ్రామానికి చెందిన ఓ వరుడు తన పెళ్లి కోసం సాహసం చేశాడు. థర్మకోల్​ షీట్​ సాయంతో 7 కిలోమీటర్ల దూరంలోని ఉమర్​ఖేడ్ మండలం సంగమ్ చించోలి వరకు నీటిలో ప్రయాణించాడు. అతడితో పాటు బంధువులు సైతం థర్మకోల్​ షీట్ల సాయంతోనే వివాహానికి వెళ్లారు.