గుంతల రోడ్డుపై దొర్లుతూ సామాజిక కార్యకర్త వినూత్న నిరసన

కర్ణాటకలోని ఉడుపికి చెందిన నిత్యానంద అనే సామాజిక కార్యకర్త వినూత్నంగా నిరసన చేపట్టాడు. ఇంద్రాలి రైల్వే బ్రిడ్జి సమీపంలోని రోడ్డుపై అనేక చోట్ల గుంతలు ఏర్పడినా.. ప్రభుత్వం పట్టించుకోవడం లేదని రోడ్డుపైనే దొర్లాడు. ప్రస్తుతం ఈ ఘటనకు సంబంధించిన వీడియో సోషల్​ మీడియాలో వైరల్​గా మారింది. అయితే ఆ ప్రాంతంలో తరచూ ప్రమాదాలు జరుగుతున్నా.. ప్రభుత్వ యంత్రాంగం పట్టించుకోవడం లేదని స్థానికులు ఆగ్రహం వ్యక్తం చేస్తున్నారు. ఇప్పటికైనా మరమ్మతులు చేయించాలని కోరుతున్నారు.