కారుపై మద్యం బాటిల్​తో యువకుడు స్టంట్స్- పోలీసులు గట్టి షాక్!

Young Man Stunts On Car Roof Viral Video : కదులుతున్న కారు టాప్​పై కూర్చుని మద్యం బాటిల్​ చూపిస్తూ ఓ యువకుడు ప్రమాదకర స్టంట్స్ చేశాడు. ఈ ఘటన హరియాణాలోని గురుగ్రామ్​లో జరిగింది. ప్రస్తుతం ఈ వీడియో సోషల్ మీడియాలో వైరల్​గా మారింది. వీడియోలో ఉన్న కారు గురుగ్రామ్​కు చెందినదిగా గుర్తించారు పోలీసులు. నిందితుడిని త్వరలోనే అరెస్టు చేస్తామని వెల్లడించారు. 

పోలీసులు తెలిపిన వివరాల ప్రకారం
గుర్​గ్రామ్​లో ఓ యువకుడు కారు టాప్​పై కూర్చుని ప్రమాదకరంగా స్టంట్స్​ చేశాడు. అంతటితో ఆగకుండా మద్యం బాటిల్​ చూపిస్తూ హల్​చల్ చేశాడు. దీనికి సంబంధించిన వీడియో ప్రస్తుతం సోషల్ మీడియాలో వైరల్​గా మారింది. సమాచారం అందుకున్న పోలీసులు ఈ వ్యవహారంపై కేసు నమోదు చేసి దర్యాప్తు చేపట్టారు. ' కారు గుర్​గ్రామ్​కు చెందినదిగా గుర్తించాం. కారుకు సంబంధించిన రిజిస్ట్రేషన్ నంబర్లను ఆధారంగా త్వరలోనే నిందితుడిని గుర్తించి పట్టుకుంటాం. ఈ వీడియోను ఎప్పుడు, ఎక్కడ తీశారు అనే కోణంలో దర్యాప్తు చేస్తున్నాం' అని ఏసీపీ క్రైమ్ వరుణ్ దహియా తెలిపారు.