Live Video : అర్ధరాత్రి తలుపుకొట్టి అత్యాచారయత్నం.. ఆ మహిళ ఏం చేసిందో చూస్తే..!

Rape Attempt on a Woman : మహిళలపై రోజురోజుకు అఘాయిత్యాలు పెరుగుతూనే ఉన్నాయి. మగాళ్లు.. మృగాళ్లుగా మారుతున్నారు. కామాంధుల వికృత చేష్టలకు ఆడవాళ్లు బలైపోతున్నారు. ప్రభుత్వం ఎన్ని చట్టాలు తెచ్చినా వీటికి అడ్డుకట్ట పడటం లేదు. తాజాగా రంగారెడ్డి జిల్లాలో మహిళపై ఓ వ్యక్తి ఆత్యాచారయత్నానికి పాల్పడ్డాడు. రాజేంద్రనగర్ మండలంలోని బుద్వేల్‌లో శ్రీనివాస్‌ అనే వ్యక్తి మద్యం సేవించి.. గురువారం అర్ధరాత్రి జయమ్మ అనే మహిళ ఇంటి తలుపులు కొట్టాడు. 

ఈ క్రమంలోనే సదరు మహిళ తలుపులు తెరవడంతో ఒక్కసారిగా.. ఆమె ఇంట్లోకి శ్రీనివాస్ బలవంతంగా ప్రవేశించాడు. ఆ సమయంలో ఇంట్లో ఎవరూ లేకపోవడంతో శ్రీనివాస్.. జయమ్మపై అత్యాచారయత్నం చేయబోయాడు. వెంటనే ఆమె ప్రతిఘటించి భయంతో బయటకు పరుగులు తీసింది. అయినా వదలని శ్రీనివాస్ ఆమెపై అఘాయిత్యానికి మరోసారి ప్రయత్నించగా.. జయమ్మ అతణ్ని నెట్టేసింది. ఆ తర్వాత పక్కనే ఉన్న ఇనుపరాడ్‌తో అతడి తలపై బాదింది. తీవ్రరక్తసావమైన శ్రీనివాస్ అక్కడిక్కడే మృతి చెందాడు. ఈ దృశ్యాలు సీసీ కెమెరాలో రికార్డయ్యాయి. ప్రస్తుతం ఈ వీడియో సోషల్ మీడియాలో వైరల్ అవుతోంది. ఘటన తర్వాత తన భర్త బాలయ్యతో కలిసి జయమ్మ రాజేంద్రనగర్ పోలీస్ స్టేషన్​లో లొంగిపోయింది.