TSRTC Gamyam App : ఒక్క క్లిక్​తో బస్సు ఎక్కడుందో తెలుసుకోవచ్చు.. ఎలాగో తెలుసా..?

TSRTC Gamyam App : ఎక్కాల్సిన బస్సు ఎక్కడుందో...ఎప్పుడోస్తుందో ఇలాంటి సమాచారం తెలుసుకునేందుకు ఆర్టీసీ గమ్యం పేరుతో సరికొత్త యాప్​ను అందుబాటులోకి తెచ్చింది. అందులో పల్లె నుంచి పట్టణం వరకు తిరిగే ప్రతి ఆర్టీసీ బస్సుల వివరాలు, బస్సుల బ్రేక్ డౌన్​లతో పాటు మహిళలకు మరింత సౌకర్యవంతంగా ఈ యాప్​ను తీర్చిదిద్దింది. ఈ యాప్​లోని ఒక్క క్లిక్​తో బస్సు ఎక్కడున్నా వాటి కదలికలు కనుగొనవచ్చని ఆ సంస్థ పేర్కొంది.

మనకు కావాల్సిన వివరాలు యాప్​లో నమోదు చేయగానే.. స్మార్ట్ ఫోన్‌లో స్క్రీన్​పై ఆటోమేటిక్‌గా గ్రీన్ లైట్ కనిపిస్తుంది. ఆ లైట్‌ను డ్రైవర్ వైపునకు చూపిస్తే.. సంబంధిత డ్రైవర్ బస్సును ఆపుతారు. ఈ యాప్​ ద్వారా మహిళలు సురక్షితంగా, క్షేమంగా గమ్యస్థానాలకు చేరుకోవచ్చు.  ఆర్టీసీ గమ్యం యాప్​కు విశేష స్పందన వస్తుందని ఆర్టీసీ ఐటీ చీఫ్ ఇంజినీర్ రాజశేఖర్  తెలిపారు. ఈ యాప్​ను రోజుకు సగటున సుమారు 10వేల మంది యాప్​ను డౌన్​లోడ్ చేసుకుంటున్నారని వెల్లడించారు. ఆర్టీసీ బస్సు వివరాలతో పాటు, ప్రయాణికులకు అత్యవసరమైన సౌకర్యాలు తదితర వాటిని కూడా ఈ యాప్​లో తెలుసుకునే వెసులుబాటు కల్పించామని చెప్పారు. ఈ నేపథ్యంలో గమ్యం యాప్​నకు సంబంధించిన మరిన్ని వివరాలను ఆర్టీసీ ఐటీ చీఫ్ ఇంజినీర్ రాజశేఖర్ తో మా ప్రతినిధి శ్రీపతి శ్రీనివాస్ ముఖాముఖి..