Traffic CI attack: వాహనదారుడిపై చేయి చేసుకున్న ట్రాఫిక్​ సీఐ.. దుర్భాషలాడుతూ..

Traffic CI attack on motorist: ద్విచక్ర వాహనదారుడిపై ఓ ట్రాఫిక్ ఇన్స్​పెక్టర్​ చేయి చేసుకున్న ఘటన హైదరాబాద్ కేపీహెచ్​బీలో చోటుచేసుకుంది. ద్విచక్ర వాహనంపై వెళ్తున్న ఓం ప్రకాశ్​రెడ్డి అనే వ్యక్తిని కైత్లాపూర్​ వద్ద ట్రాఫిక్​ పోలీసులు ఆపారు. వాహనంపై పెండింగ్​ చలాన్లు ఉన్నాయని.. వెంటనే చెల్లించాలన్నారు. ప్రస్తుతం తన వద్ద డబ్బులు లేవని.. అత్యవసర పని మీద వెళ్తున్నానని మరుసటి రోజు డబ్బులు చెల్లిస్తానని ప్రకాశ్​రెడ్డి తెలిపారు. దీంతో ఆగ్రహించిన ట్రాఫిక్ సీఐ.. సదరు వాహనదారుడిని దుర్భాషలాడుతూ చేయిచేసుకున్నాడు. ఈ దృశ్యాలు ఇప్పుడు సామాజిక మాధ్యమాల్లో వైరల్​గా మారాయి.