Vanasthalipuram Robbery Video : కస్టమర్‌లా వచ్చాడు.. రూ.1 లక్ష దోచుకుపోయాడు

Vanasthalipuram Robbery Case : కిరాణా జనరల్‌ స్టోర్‌లో వస్తువులు కొనడానికి కస్టమర్‌లా వచ్చాడు. క్యాష్​ కౌంటర్‌ వద్ద ఎవరూ లేని విషయాన్ని గమనించి.. రూ.1 లక్ష సొత్తును ఎత్తుకెళ్లిపోయాడు. ఈ ఘటన హైదరాబాద్‌ సిటీ పరిధిలోని వనస్థలిపురం ఎన్జీవోస్ కాలనీలో చోటుచేసుకుంది. వెంటనే బాధితుడు పోలీసులకు ఫిర్యాదు ఇవ్వడంతో.. వారు అక్కడకు చేరుకొని సీసీ పుటేజీ ఆధారంగా దర్యాప్తును ప్రారంభించారు.

బాధితుడు తెలిపిన వివరాల ప్రకారం.. వనస్థలిపురంలో ఉన్న ఎన్జీవోస్​ కాలనీలోని శ్రీనివాస కిరాణా జనరల్‌ స్టోర్‌లోకి కస్టమర్​లా వచ్చిన ఓ దుండగుడు.. క్యాష్​ కౌంటర్​ వద్ద ఎవరూ లేని సమయంలో కౌంటర్‌లోని రెండు రూ.500 నోట్ల కట్టలు (విలువ రూ.1 లక్ష)తో ఉడాయించాడు. ఆ సమయంలో వేరే కస్టమర్‌కు ఉల్లిపాయలు ఇవ్వడానికి వెళ్లినట్లు షాపు యజమాని తెలిపాడు. కస్టమర్‌ మాదిరిగా షాపులో అటూ ఇటూ తిరిగి.. చివరకు తాను పక్కకు వెళ్లగానే క్షణాల్లో సొత్తు మాయం చేసి పరారయ్యాడని వాపోయాడు.