Telangana Assembly Sessions 2023 : ఆగస్టు రెండోవారంలో తెలంగాణ అసెంబ్లీ సమావేశాలు..!

Telangana assembly meetings in August : రాష్ట్ర అసెంబ్లీ సమావేశాలు ఆగస్టు రెండో వారంలో జరగనున్నాయి. బడ్జెట్ సమావేశాలు ఫిబ్రవరి 12తో ముగిశాయి. 6నెలల గడువు ప్రకారం ఆగస్టు 11లోపు ఉభయసభలు తిరిగి సమావేశం కావాల్సి ఉంది. ఈ నేపథ్యంలో వచ్చే నెల రెండో వారంలో అసెంబ్లీ, కౌన్సిల్‌ను సమావేశ పరుస్తారని సమాచారం. వివిధ అంశాలు, రాష్ట్రంలో పరిస్థితులు సమావేశాల్లో చర్చకు రానున్నాయి. కొన్ని బిల్లులను బీఆర్​ఎస్ సర్కార్‌ తీసుకొచ్చే అవకాశం ఉంది. నవంబర్ లేదా డిసెంబర్‌లో తెలంగాణ అసెంబ్లీ ఎన్నికలు జరగనున్నాయి. ఇందుకోసం సెప్టెంబర్ లేదా అక్టోబర్‌లో కేంద్ర ఎన్నికల సంఘం ప్రకటన జారీ చేసే అవకాశం ఉంది. కాబట్టి ఎన్నికలకు ముందు ఈ సమావేశాలే చివరి సమావేశాలు అయ్యే అవకాశం ఉంది. సహజంగానే ఎన్నికల ప్రభావం సమావేశాలపై ఉండనుంది. సమావేశాల కంటే ముందు రాష్ట్ర మంత్రి వర్గం భేటీ అయ్యే అవకాశం ఉంది. అసెంబ్లీ, కౌన్సిల్ సమావేశాల తేదీ ఖరారు సహా పలు అంశాలపై కేబినెట్​లో చర్చించనున్నారు.