అద్భుతమైన ఫీచర్లతో 'షావోమీ ప్యాడ్ 7'- ఇండియన్ మార్కెట్లోకి ఎంట్రీ ఎప్పుడంటే?

దేశీయ మార్కెట్లోకి త్వరలో షావోమీ కొత్త టాబ్లెట్.. లాంఛ్ డేట్ రివీల్!

Xiaomi Pad 7 Launch date in India: ఇండియన్ మార్కెట్లోకి 'షావోమీ ప్యాడ్ 7' టాబ్లెట్​ ఎంట్రీ ఇచ్చేందుకు రెడీగా ఉంది. మరికొన్ని రోజుల్లో కంపెనీ దీన్ని విడుదల చేయనున్నట్లు అధికారికంగా వెల్లడించింది. ఈ మేరకు ప్రముఖ ఇ-కామర్స్ ప్లాట్​ఫామ్ అమెజాన్​లో లైవ్ మైక్రోసైట్​ను రిలీజ్ చేసింది. దీని ద్వారా ఈ కొత్త టాబ్లెట్ లాంఛ్ తేదీనీ రివీల్ చేసింది.

రిలీజ్ ఎప్పుటంటే?: కంపెనీ ఈ టాబ్లెట్​ను ఇండియాలో జనవరి 10, 2025న విడుదల చేయనున్నట్లు కన్ఫార్మ్ చేసింది. కాగా ఈ సిరీస్​లో 'షావోమీ ప్యాడ్ 7', 'షావోమీ ప్యాడ్ 7 ప్రో' టాబ్లెట్​లను ఇటీవలే అక్టోబర్​ నెలలో చైనా మార్కెట్లో లాంఛ్ చేసింది. ఇప్పుడు షావోమీ.. దేశీయ మార్కెట్లోకి కూడా దీన్ని తీసుకొచ్చేందుకు సన్నాహాలు చేస్తోంది.

షావోమీ ఈ అప్​కమింగ్ ఇండియన్ వెర్షన్ టాబ్లెట్​ రిలీజ్​ డేట్​ను అమెజాన్​లో మైక్రోసైట్​ ద్వారా వెల్లడించింది. అంటే 'షావోమీ ప్యాడ్ 7' అమెజాన్‌లో విక్రయానికి అందుబాటులో ఉంటుందని తెలుస్తోంది. అయితే ఈ టాబ్లెట్​పై మరిన్ని వివరాలు త్వరలో తెలియనున్నాయి. ఇక ఈ టాబ్లెట్ ఇండియన్ వేరియంట్ ఫీచర్లు, స్పెసిఫికేషన్‌లు చైనాలో లాంఛ్ అయిన మోడల్‌ని పోలి ఉండొచ్చు.

ఫీచర్లు: 'షావోమీ ప్యాడ్ 7' చైనీస్ వేరియంట్ 11.2-అంగుళాల LCD స్క్రీన్‌తో 3.2K రిజల్యూషన్, 144Hz రిఫ్రెష్ రేట్‌తో తీసుకొచ్చారు. దీంతోపాటు ఇది 800 నిట్‌ల బ్రైట్‌నెస్‌ను కలిగి ఉంది. ఈ టాబ్లెట్ డాల్బీ విజన్ సపోర్ట్‌తో వస్తుంది. ఇది స్నాప్‌డ్రాగన్ 7+ Gen 3 SoC చిప్‌సెట్‌ని కలిగి ఉంది. ఈ టాబ్లెట్ ఆండ్రాయిడ్ 15 ఆధారిత హైపర్‌ఓఎస్‌తో రన్ అవుతుంది.

దీంతోపాటు చైనీస్ వేరియంట్​లో ఈ టాబ్లెట్ 13MP రియర్ కెమెరా, 8MP ఫ్రంట్​ కెమెరాను కలిగి ఉంది. ఇందులో 8,850mAh బ్యాటరీ ఉంది. ఇది 45W ఫాస్ట్ ఛార్జింగ్ సపోర్ట్‌తో వస్తుంది. అంతేకాక సెక్యూరిటీ కోసం ఈ టాబ్లెట్​ సైడ్-మౌంటెడ్ ఫింగర్​ ప్రింట్ సెన్సార్​ను కూడా కలిగి ఉంది.

కలర్ ఆప్షన్స్: కంపెనీ దీన్ని మూడు కలర్ ఆప్షన్లతో చైనా మార్కెట్లో రిలీజ్ చేసింది.

• బ్లాక్
• బ్లూ
• గ్రీన్

వేరియంట్స్: చైనా మార్కెట్లో ఇది మూడు వేరియంట్లలో రిలీజ్ అయింది.

• 8GB RAM + 128GB వేరియంట్
• 8GB RAM + 256GB వేరియంట్
• 12GB RAM + 256GB వేరియంట్

ధర: ఈ కొత్త టాబ్లెట్ ధర విషయానికొస్తే.. చైనాలో దీని ధర CNY 1,999 (దాదాపు రూ. 23,500) నుంచి ప్రారంభమవుతుంది. ఇందులో కస్టమర్లు 8GB RAM, 128GB స్టోరేజ్​ను పొందుతారు. దీని 8GB RAM + 256GB వేరియంట్ ధర CNY 2,299 (దాదాపు రూ. 27,700). ఇక దీని 12GB + 256GB వేరియంట్ ధర CNY 2,599 (దాదాపు రూ. 30,600).