Rain Problems in Hyderabad : ఆగని వానలు.. నీట మునుగుతున్న కాలనీలు

Colonies flooded in Hyderabad : గత నాలుగు రోజులుగా హైదరాబాద్​ను వర్షాలు అతలాకుతలం చేస్తున్నాయి. దంచి కొడుతున్న వానలతో పలు చోట్ల కాలనీలు నీటమునిగాయి. కుత్భుల్లాపూర్ గాజులరామారంలోని ఒక్షిత్ ఎంక్లేవ్​లోకి  మోకాళ్లోతు నీరు వచ్చిచేరింది. గడిచిన రాత్రి నుంచి బయటకు వెళ్లలేని పరిస్థితిలో కాలనీవాసులు ఉన్నారు. కాలనీలో వరద నీరు ప్రవహిస్తూ ఉండటంతో కాలనీవాసులు తీవ్ర ఇబ్బందులకు గురవుతున్నారు. బాక్స్ నాలా పనులు అర్ధాంతరంగా, ప్రణాళిక లేకుండా మధ్యలో మొదలు పెట్టడంతో ఈ పరిస్థతి వచ్చిందని స్థానికులు మండిపడుతున్నారు. గోషామహల్ నియోజకవర్గంలోని ఉస్మాన్​గంజ్, కిషన్​గంజ్, మహరాజ్​గంజ్, ఫిల్​ఖాన, బేగంబజార్ తదితర ప్రాంతాల్లో రోడ్లన్నీ బురదతో పెరుకుపోయాయి. పటేల్​నగర్​లోని సాయికృష్ణ అపార్ట్​మెంట్​లోనికి నీరు చేరడంతో అపార్ట్​మెంట్ వాసులు ఇబ్బందులు పడుతున్నారు. మాదాపుర్, గచ్చిబౌలి, రాయదుర్గం, కోండాపుర్, కోత్తగుడా మణికొండ ప్రాంతాల్లో ప్రధాన రహదారులు జలమయం అయ్యాయి. రహదారులపై మ్యాన్​హోల్స్ పోంగిపోర్లుతున్న  కారణంగా రోడ్లపై ప్రయాణించాలంటే వాహనదారులు భయాందోళన చేందుతున్నారు. వరదనీరు నిలిచిన చోట ట్రాఫిక్ పోలీసులు వాహనాలను మరో మార్గంలోకి మళ్లిస్తున్నారు.