Fake Iphone Accessories in Hyderabad : హైదరాబాద్​లో ఐఫోన్ విడిభాగాలు కొంటున్నారా.. అయితే జాగ్రత్త...

Fake Iphone Accessories in Hyderabad : నగరంలో నకిలీ ఐ ఫోన్ల విడిభాగాలు విక్రయిస్తున్న సెల్‌ఫోన్ దుకాణాలపై.. హైదరాబాద్ సెంట్రల్​ జోన్​ టాస్క్​ఫోర్స్ పోలీసులు సోదాలు చేశారు. అబిడ్స్, దోమల్​గూడ పోలీసులతో కలిసి తనిఖీలు చేసిన టాస్క్​ఫోర్స్ బృందం.. నలుగురిని అరెస్ట్ చేశారు. 

Police Raids on Fake Iphone Accessories Shops : సెంట్రల్​జోన్‌ టాస్క్​ఫోర్స్ పోలీసులు, అబిడ్స్, దోమల్​గూడ పోలీసులతో కలిసి.. జగదీశ్​ మార్కెట్​లోని జై రాజేశ్వర్ మొబైల్ స్టోర్స్, న్యూ కలెక్షన్ మొబైల్‌ స్టోర్స్, పీఎస్ టెలికాం మొబైల్స్, హిమాయత్​నగర్​లోని ట్రినిటి మొబైల్స్​లో సోదాలు నిర్వహించారు. సదరు తనిఖీల్లో ఐఫోన్‌ బ్యాక్ కవర్లు,1675 నకిలీ యాపిల్ లోగోలు, ఛార్జింగ్​ అడాప్టర్లు, ఇయర్ పాడ్స్, ఎయిర్ పాడ్స్ సహా ఐఫోన్ కి సంబంధిచిన పలు విడిభాగాలను స్వాధీనం చేసుకున్నారు. వీటన్నింటిని రాజస్థాన్ నుంచి దిగుమతి చేసుకుని విక్రయిస్తున్నట్లు గుర్తించారు. అసలైన విడిభాగాల పేరుతో ప్రజలను మోసగిస్తున్నట్లు పోలీసులు తెలిపారు.