పుష్ప మూవీ తరహాలో ఎర్ర చందనం తరలింపు - పోలీసులకు చిక్కిన యూపీ స్మగ్లర్ల ముఠా

Police arrested Red Sandal Smugglers : ఎర్రచందనం స్మగ్లింగ్ వెండి తెరపై చూసే ఔరా అనుకున్నాం. నిజంగానే స్మగ్లర్లు పుష్ప సినిమా తరహాలో ఎర్రచంద్రాన్ని తరలిస్తూ పోలీసులకు చిక్కారు. ఈ ముఠా సభ్యులను మేడ్చల్ ఎస్ఓటీ పోలీసులు పట్టుకున్నారు. వీరంతా యూపీకి చెందిన వారిగా గుర్తించారు. డీసీఎం వాహనానంలో కొబ్బరి బోండాల మధ్యలో 101 ఎర్రచందనం దుంగలను దాచి తరలిస్తున్నారు. చిత్తూరు నుంచి నాగ్​పూర్‌కు తరలిస్తున్న ఎర్రచందనం స్మగ్లర్లను పక్కా సమాచారంతో వలవేసి పోలీసులు అరెస్ట్ చేశారు.   

Police Arrest Sandalwood smugglers : చిత్తూరు నుంచి విజయవాడ, సూర్యాపేట, కోదాడ మీదుగా హైదరాబాద్ శివారు ప్రాంతం నుంచి నాగ్‌పూర్‌కు తరలించేందుకు ప్రణాళిక రచించుకున్నారు. వీరి ప్లాన్ గురించి పోలీసులకు ఉప్పందడంతో కాపుకాసి డీసీఎంను తనిఖీ చేయగా 3 టన్నుల ఎర్రచందన దుంగలు బయటపడ్డాయి. ఎర్రచందనంతో పాటు ముగ్గురు వ్యక్తులను అదుపులోకి తీసుకుని ఆటవీ శాఖాధికారులకు మేడ్చల్ ఎస్‌వోటీ పోలీసులు అప్పగించారు. కేసు నమోదు చేసిన ఆటవీ శాఖాధికారులు దర్యాప్తు చేపట్టారు. స్వాధీనం చేసుకున్న ఎర్రచందనం ఏ గ్రేడ్‌కు చెందినవని పరిశీలిస్తున్నారు.