Narcotic SP Sunitha on Madhapur Drugs Case : 'నవదీప్​ ఫోన్​ డేటా డిలీట్ చేశాడు.. రీట్రైవ్​ చేసి మళ్లీ విచారిస్తాం'

SP Sunitha on Madhapur Drugs Case : మాదాపూర్​ డ్రగ్స్​ కేసులో విచారణ వేగవంతంగా సాగుతోంది. ఈ ప్రక్రియలో భాగంగా ఇవాళ సినీనటుడు నవదీప్​ని విచారించామని నార్కోటిక్​ బ్యూరో ఎస్పీ సునీతారెడ్డి తెలిపారు. విచారణలో తాము అడిగిన ప్రశ్నలన్నింటికి సమాధానాలు చెప్పాడని వెల్లడించారు. ఈ కేసులో 81 లింక్​లు గుర్తించారని అన్నారు. అందులో 41 లింకులపై ఉన్న వివరాలను తెలిపాడని వివరించారు. అతను డ్రగ్స్​ వాడకం గురించి అడిగితే.. గతంలో వినియోగించారని.. సిట్​, ఈడీ విచారణలో చెప్పిన విషయాన్ని చెప్పారన్నారు. ప్రస్తుతం మాత్రం డ్రగ్స్​ వాడలేదని సమాధానమిచ్చాడని అన్నారు. 

Navdeep Investigation in Madhapur Drugs Case : నవదీప్​కి, రామ్​చంద్​కి సంబంధం ఏమిటని ఆరా తీశామని వెల్లడించారు. దానికి సమాధానంగా నవదీప్(Navdeep)​ గతంలో వారు కలిసి బీపీఎం పబ్‌ నిర్వహించారన్నారు. తన ఫోన్​ తీసుకుని పరిశీలించారని తెలిపారు. తన మొబైల్​లో ఉన్న డేటాని డిలీట్​ చేసినట్లు గుర్తించామని పేర్కొన్నారు. దీంతో అతని ఫోన్ రీట్రైవ్ చేసి మళ్లీ విచారిస్తామని స్పష్టం చేశారు.