అమ్మాయిల గ్యాంగ్​వార్​.. నడిరోడ్డుపై జుట్లు పీక్కొని ఫైటింగ్​..

మహారాష్ట్ర నాగ్​పుర్​లో అమ్మాయిలు వీరంగం సృష్టించారు. ఒకరి జుట్టు ఒకరు పట్టుకుని నడిరోడ్డుపైనే కొట్టుకున్నారు. నగరంలోని సివిల్స్​లైన్​ ప్రాంతంలోని ఓ కళాశాల సమీపంలో రెండు గ్రూపుల మధ్య ఈ ఘర్షణ జరిగింది. వీధిలో నిలబడి మాట్లాడకుంటూ ఉండగా ఏడుగురు యువతులు మధ్య వాగ్వాదం జరిగింది. దీంతో ఒకరి జట్టు ఒకరు పట్టుకుని కొట్టుకున్నారు. అటుగా వెళుతున్న ఓ వాహనదారుడు దీన్ని వీడియో తీసి సోషల్​ మీడియాలో షేర్​ చేశాడు. దీంతో వీడియో వైరల్​గా మారింది. ఈ వీడియోపై స్పందించిన పోలీసులు.. ఫిర్యాదు అందలేదని చెప్పారు. ఈ ఘటనపై విచారణ చేస్తామన్నారు.