More Than One Lakh People Garba Dance : మోదీ పాటకు ఒకేసారి లక్షా 21వేల మంది 'గర్బా' డాన్స్​.. మూడు ప్రపంచ రికార్డులు దాసోహం

More Than One Lakh People Garba Dance : ప్రధాని నరేంద్ర మోదీ రాసిన గర్బా​ పాటకు నృత్యం​ చేసి.. మూడు ప్రపంచ రికార్డ్​లు నెలకొల్పారు గుజరాతీలు.​ ఒకేసారి లక్ష 21 వేల మంది గోర్బా డాన్స్​ చేసి.. గిన్నిస్ బుక్ ఆఫ్ వరల్డ్ రికార్డ్స్, వరల్డ్ బుక్ రికార్డ్స్ ఆఫ్ లండన్, ఇండియన్ ట్రెడిషనల్ బుక్ ఆఫ్ రికార్డ్స్​లో స్థానం సంపాదించారు. గుజరాత్​లోని రాజ్​కోట్​ జిల్లాలో.. శరద్ పూర్ణిమ సందర్భంగా ఈ కార్యక్రమం జరిగింది.  

ఈ వేడుకకు గుజరాత్​ హోం మంత్రి హర్ష సంఘ్వీ, మంత్రి భాను బబారియా, బీజేపీ అధ్యక్షుడు సీఆర్​ పాటిల్​, ప్రముఖ గాయకుడు పార్థివ్ గోహిల్, ఇతర ప్రముఖులు హాజరయ్యారు. కార్యక్రమంలో చిన్నారులు, పెద్దలు ఉత్సాహంగా పాల్గొని నృత్యాలు చేశారు. రేస్​ కోర్స్​ గ్రౌండ్​లో ఈ వేడుక జరిగింది. చాలా తక్కువ సమయంలో ఈ కార్యక్రమం కోసం ఏర్పాట్లు చేసినట్లు నిర్వహకులు తెలిపారు. ఒకేసారి మూడు ప్రపంచ​ రికార్డ్​లు సాధించడం చాలా ఆనందంగా ఉందన్నారు.