MLA Balka Suman Controversy : 'కాంగ్రెస్ వాళ్లు మనవాళ్లే.. వారినేం అనొద్దు.. మనమే వాళ్లను పంపించాం'

MLA Balka Suman Controversy  : 'కాంగ్రెస్ పార్టీలో తిరుగుతున్న వాళ్లని మనవాళ్లు.. వాళ్లనేం అనొద్దు' అని ప్రభుత్వ విప్, చెన్నూరు ఎమ్మెల్యే బాల్క సుమన్ చెప్పడం చర్చనీయాంశమైంది. మంచిర్యాల జిల్లా చెన్నూరులో నిర్వహించిన ప్రజా ఆశీర్వాద ర్యాలీలో సుమన్ పార్టీ శ్రేణులను ఉద్దేశించి మాట్లాడుతూ.. గతంలో కాంగ్రెస్​లో ఉన్న పెద్దపల్లి ఎంపీ వెంకటేశ్​ నేత బీఆర్ఎస్​లో చేరలేదా అని గుర్తు చేశారు. 'మనమే మనవాళ్లను కాంగ్రెస్ పార్టీలోకి పంపించాం' అని బాల్క సుమన్ చెప్పడం తీవ్ర దుమారం రేపింది. 

MLA Balka Suman Controversial Comments on Congress : ఈ వ్యాఖ్యలపై చెన్నూరు నియోజకవర్గంలో కాంగ్రెస్ నాయకులు తీవ్రస్థాయిలో మండిపడ్డారు. పీసీసీ సభ్యుడు నూకల రమేశ్​ మాట్లాడుతూ తమ పార్టీలో ఆత్మ స్థైర్యాన్ని దెబ్బతీసేందుకే బాల్క సుమన్ కుట్ర పన్నుతున్నారని ధ్వజమెత్తారు. ఆయన చేసిన వ్యాఖ్యలను తీవ్రంగా ఖండించారు. బాల్క సుమన్ రాజకీయ చరిత్ర ఎలా మొదలైందో చూసుకోవాలని అన్నారు.. 'నీ మీద పోటీ చేస్తున్నాం.. ఆ పోటీ చేసే వ్యక్తిని నేనే' అని సవాల్ విసిరారు. దమ్ముంటే కోవర్టు ఎవరో చెప్పాలని తీవ్ర వ్యాఖ్యలు చేశారు.