Minister Indrakaran Dance in Ganesh Nimajjanam : గణేశ్ నిమజ్జనోత్సవంలో తీన్మార్ డప్పులకు.. స్టెప్పులేసిన మంత్రి ఇంద్రకరణ్

Minister Indrakaran Dance in Ganesh Nimajjanam : బొజ్జ గణపయ్య పూజలకు నేటితో 11 రోజులు ముగియనుండడంతో.. రాష్ట్రమంతటా గణనాథుని నిమజ్జన వేడుకలకు భక్తకోటి సిద్ధమైంది. ఈ తరుణంలోనే నిర్మల్ జిల్లా కేంద్రంలో వినాయకుని నిమజ్జన శోభాయాత్ర గురువారం మధ్యాహ్నం వైభవంగా ప్రారంభమైంది. పట్టణంలోని బుధవార్​పేట్ నంబర్ 1 గణేశ్ వద్ద రాష్ట్రమంత్రి అల్లోల ఇంద్రకరణ్ రెడ్డి, జిల్లా కలెక్టర్ వరుణ్ రెడ్డి, ఎస్పీ ప్రవీణ్ కుమార్​లు ప్రత్యేక పూజలు నిర్వహించి శోభాయాత్రను ప్రారంభించారు. కార్యకర్తల కోరిక మేరకు కొద్దిసేపు మంత్రి ఇంద్రకరణ్ తీన్మార్ స్టెప్పులేసారు. వినాయకుణ్ని తీసుకెళ్లే ట్రాక్టర్​ను కొద్దిసేపు తానే స్వయంగా నడిపారు. ఈ సందర్భంగా మంత్రి మాట్లాడుతూ.. జిల్లా కేంద్రంలో గణేశ్ నిమజ్జన శోభాయాత్రను ప్రశాంత వాతావరణంలో జరుపుకోవాలని సూచించారు. అదేవిధంగా ఊరేగింపులో ఎటువంటి అవాంఛనీయ ఘటనలు తలెత్తకుండా నడుచుకోవాలని కోరారు. నిమజ్జనం చేసే వినాయక సాగర్ బంగల్​పేట్ చెరువు వద్ద మున్సిపల్ ఆధ్వర్యంలో అన్ని ఏర్పాట్లు చేశామని తెలిపారు.

Ganesh Nimajjanam in Adilabad : గణేశ్ ఉత్సవాల నిర్వహణలో హైదరాబాద్ తర్వాత  స్థానాన్ని దక్కించుకున్న ఆదిలాబాద్​లో బొజ్జ వినాయకుడి  నిమజ్జన శోభాయాత్ర కన్నులపండుగగా ప్రారంభమైంది. పట్టణంలోని వినాయక చౌక్  శిశుమందిర్​లో హిందూ ఉత్సవ సమితి ఆధ్వర్యంలో ప్రతిష్టించిన వినాయకుడికి ఎమ్మెల్యే జోగు రామన్న, కలెక్టర్ రాహుల్ రాజ్, ఎస్పీ ఉదయ్ కుమార్ రెడ్డి పాల్గొని ప్రత్యేక పూజలు చేశారు. శోభాయాత్రలో చిన్నారుల సాంస్కృతిక ప్రదర్శనలు ఆకట్టుకున్నాయి. మహిళలు కోలాటం చేస్తు ముందుకు కదిలారు.