Man gets Married to Transgender : ట్రాన్స్​జెండర్​ను పెళ్లి చేసుకున్న యువకుడు.. ఎక్కడంటే!

Man gets Married to Transgender in Mahabubabad : పెళ్లి చేసుకోవాలంటే చదువు, అందం,  ఉద్యోగం, ఆస్తి, కుటుంబం ఇవన్నీ చూస్తుంటాం. అన్నీ సక్రమంగా ఉంటేనే చేసుకోవడానికి ఇష్టపడతాం. అటు ఏడు తరాలు ఇటు తరాలు అంటూ ఏవేవో నమ్మకాలతో ఉంటాం. సాధారణ ప్రజల సంగతి పక్కన పెడితే.. ట్రాన్స్​జెండర్ల పరిస్థితి దారుణంగా ఉంటుంది. వారికి జీవితభాగస్వామి దొరకడం కాస్త కష్టం. వారి మనసు అర్థం చేసుకునే వాళ్లు దొరకడం ఇంకా కష్టం. అయితే ఓ ట్రాన్స్​జెండర్​కు మాత్రం తన మనసుకు నచ్చిన వ్యక్తి దొరికాడు. దొరకడమే కాదు తనను వివాహం కూడా చేసుకున్నాడు. 

ఓ యువకుడు ట్రాన్స్​జెండర్​ను వివాహం చేసుకున్న సంఘటన మహబూబాబాద్ జిల్లా గార్ల మండలంలో చోటుచేసుకుంది. గార్ల మండలం అంజనాపురం గ్రామానికి చెందిన భానోత్ రాధిక (28 )... డోర్నకల్ మండలం సిగ్నల్ తండాకు చెందిన ధారావత్ వీరు (30)లు రెండు సంవత్సరాలుగా ప్రేమించుకుంటున్నారు. ట్రైన్​లో మొదలైన వీరి ప్రేమ వ్యవహారం పెళ్లికి దారి తీసింది. పెద్దలకు వారి ప్రేమ గురించి చెప్పి పెళ్లికి ఒప్పించారు. బుధవారం నాడు గార్ల మండలం మర్రిగూడెం లోని శ్రీ వెంకటేశ్వర దేవాలయంలో వివాహం చేసుకున్నారు. వీరి వివాహానికి పలువురు ట్రాన్స్​జెండర్​లు హాజరయ్యారు.