Bonalu Festival 2023 : 'బోనాల పండుగలో భక్తులకు ఎలాంటి ఇబ్బందులు కలగకుండా చూడాలి'

Bonalu Festival in LB Nagar : బోనాల పండుగ సందర్భంగా ఆలయాలకు వచ్చే భక్తులకు ఎలాంటి ఇబ్బందులు కలగకుండా చూడాలని జీహెచ్​ఎంసీ డిప్యూటీ ఫ్లోర్ లీడర్, మన్సూరాబాద్ డివిజన్ కార్పొరేటర్ కొప్పుల నర్సింహా రెడ్డి.. వివిధ డివిజన్ల కార్పొరేటర్లతో కలిసి కొత్తపేట జోనల్ కార్యాలయంలో జోనల్ కమిషనర్ పంకజకు వినతిపత్రం అందజేశారు. ఈ సందర్భంగా ఎల్బీనగర్​ నియోజకవర్గం కార్పొరేటర్లతో బోనాల పండుగకు సంబంధించిన ప్రత్యేక సమీక్షా సమావేశాలు నిర్వహించాలని డిమాండ్​ చేశారు. 

విడతల వారీగా ఈ పండుగ జరుగుతుందని.. అందువల్ల భద్రతా ఏర్పాట్లు పెంచాలని జోనల్​ కమిషనర్​ను కోరారు. ఆలయాల దగ్గర వసతుల ఏర్పాట్ల కోసం ప్రత్యేక బడ్జెట్​ కేటాయించాలన్నారు. ఆలయాల పరిధిలో ఉన్న డ్రైనేజీ వ్యవస్థ సరిగా లేదని.. అధిక సంఖ్యలో భక్తులు వచ్చే అవకాశం ఉన్నందున రహదారుల్లో సీసీ కెమెరాలను, సీసీ రోడ్లు ఏర్పాటు చేయాలని డిమాండ్​ చేశారు. దీంతో పాటు ప్యాచ్​ వర్క్​లు చేయాలని సూచించారు. అలాగే పండుగ వైభవంగా జరిగేలా.. ఆకట్టుకునే విధంగా లైటింగ్​ ప్రదర్శించాలని తెలిపారు. ఈ కార్యక్రమంలో కార్పొరేటర్లు చింతల అరుణ సురేందర్ యాదవ్, బద్దం ప్రేమ్ మహేశ్వర్ రెడ్డి, మొద్దు లచ్చిరెడ్డి, కళ్లెం నవజీవన్ రెడ్డి, అధికారి అశోక్ రెడ్డి తదితరులు పాల్గొన్నారు.