లైవ్ వీడియో.. CRPF వ్యాన్​పైకి దూసుకొచ్చిన లారీ.. ఇద్దరు జవాన్లకు గాయాలు

అదుపు తప్పిన ఓ భారీ లారీ రోడ్డుపై ఆగి ఉన్న సీఆర్​పీఎఫ్​ వాహనాన్ని బలంగా ఢీకొట్టింది. ఈ ఘటన జమ్ముకశ్మీర్‌ పుల్వామాలో జరిగింది. ఈ ప్రమాదంలో ఇద్దరు సీఆర్​పీఎఫ్​ జవాన్లకు గాయాలైనట్లు అధికారులు తెలిపారు. 
అవంతీపుర వద్ద జాతీయ రహదారి పక్కన సీఆర్​పీఎఫ్​ జవాన్లు గురువారం ఉదయం తమ వాహనాన్ని నిలిపి ఉంచారు. రోడ్డుకు అవతలి వైపున వేగంగా వెళుతున్న ఓ లారీ.. అవంతీపుర వద్దకు చేరుకోగానే అదుపు తప్పింది. డివైడర్‌ను దాటి సీఆర్​పీఎఫ్​ వాహనం వైపుగా దూసుకొచ్చింది. జవాన్లు ఉన్న వ్యాన్​ను బలంగా ఢీకొట్టింది. ఈ ఘటనలో ఇద్దరు గాయపడ్డారు. ప్రమాదంలో గాయపడిన జవాన్లను ఆసుపత్రికి​ తరలించి చికిత్స అందిస్తున్నట్లు పోలీసులు తెలిపారు. ఈ ఘటనకు కారణమైన లారీ డ్రైవర్​పై కేసు నమోదు చేసి దర్యాప్తు ప్రారంభించినట్లు చెప్పారు.
గురువారం ఉదయం వర్షం కారణంగా రోడ్డు పూర్తిగా తడిచిపోయింది. తడిచిన రోడ్డుపై వేగంగా వెళ్తున్న లారీ.. ముందుగా వెళ్తున్న వాహనాన్ని ఓవర్​టేక్ చేయబోతూ అదుపు తప్పిందని పోలీసులు ప్రాథమింగా గుర్తించారు.