Inter Student Suicide in Hyderabad : ''సారీ అమ్మానాన్న'.. ఇదే నా చివరి రోజు ఇక నేను వెళ్తున్నా..'

Inter Student Suicide in Hyderabad : మీర్​పేట్ పోలీస్ స్టేషన్ పరిధిలోని జిల్లెలగూడలో విద్యార్థి ఆత్మహత్య కలకలం రేపింది. కాలేజీ యాజమాన్యం వేధింపులతో విద్యార్థి మృతి చెందినట్లు తెలుస్తోంది. పోలీసులు తెలిపిన వివరాల ప్రకారం.. చైతన్యపురిలోని ఓ ప్రైవేట్ కాలేజీలో వైభవ్ అనే విద్యార్థి ఇంటర్మీడియట్ ఫస్ట్ ఇయర్ చదువుతున్నాడు. కాలేజీ యాజమాన్యం వేధింపుల కారణంగానే  తాను ఆత్మహత్య చేసుకుంటున్నట్లు ఆ విద్యార్థి లెటర్ రాశాడు. ఎక్కువ మార్కులు రావాలని కాలేజీ ప్రిన్సిపాల్ ఒత్తిడి కారణంగానే వైభవ్ సూసైడ్ లెటర్ రాసి చనిపోయాడని మృతుని తండ్రి ఆరోపించారు. మరెవరు ఈ కాలేజీలో జాయిన్ కావొద్దని.. ఉపాధ్యాయులు విద్యార్థుల మీద ప్రెజర్ పెట్టొద్దనీ ఆయన కోరారు. 

Inter Student Suicide at Meerpet Hyderabad : 'ఇదే నా చివరి రోజు.. సారీ అమ్మానాన్న, తమ్ముడు అంటూ సూసైడ్ నోట్' రాసిన వైభవ్ మరణానికి..​ న్యాయం జరిగే వరకూ శవపరీక్షకు పంపించలేమని కుటుంబ సభ్యులు తెలిపారు. విషయం తెలుసుకున్న పోలీసులు ఘటన స్థలానికి చేరుకుని కేసు నమోదు చేసుకుని దర్యాప్తు చేపట్టారు. అలాగే కాలేజీ వద్ద ఎలాంటి అవాంతర ఘటనలు జరగకుండా పోలీసులు బందోబస్తు ఏర్పాటు చేశారు.