రూ.30వేలు పలుకుతున్న కోడి ధర! స్పెషల్​ ఏంటంటే?

Hen Costs 30000 In Odisha : సాధారణంగా కోడి ధర ఎంత ఉంటుంది? మహా అయితే ఓ రెండు వందలో, మూడు వందలో ఉంటుంది. కానీ ఒడిశాలోని బాలేశ్వర్​లో మాత్రం ఓ వ్యక్తి పెంచిన కోడి ధర అక్షరాల 30 వేల రూపాయలు పలుకుతోంది. వినడానికి ఆశ్చర్యకరంగా ఉన్నా ఇది నిజం. అసలు విషయమేమింటే?

బాలేశ్వర్​లోని అనంతపుర్ ప్రాంతంలో భవానీ బిస్వాల్ అనే యువకుడు ఇంట్లో కోళ్లను పెంచుకుంటూ వ్యాపారం చేస్తున్నాడు. అయితే తెలుగురాష్ట్రాల్లో లాగా ఆ ప్రాంతంలో కూడా సంక్రాంతి పండుగకు కోళ్ల పందేలను నిర్వహిస్తుంటారు. ఏటా సంక్రాంతికి ముందు పందెం కోళ్లకు మంచి డిమాండ్ ఉంటుందని స్థానికులు చెబుతున్నారు.

కోడి పందేళ్లలో ప్రత్యర్థులను ఓడించాలంటే బలమైన కోళ్లు అవసరం. అందువల్ల మయూర్​భంజ్​ బైషింగాకు చెందిన కొందరు వ్యక్తులు అనంతపుర్​లోని భవానీ బిస్వాల్ వద్ద ఉన్నాయని తెలుసుకుని కొనుగోలు చేయడానికి వచ్చారు. ఆ సమయంలో భవానీ బిస్వాల్​ పందెం కోడి ధర రూ.30 వేలుగా చెప్పారు. దీంతో వారు రూ.30వేలు కన్నా తక్కువ ధరకే ఇవ్వాలని భవానీ బిస్వాల్​ను అడిగారు. అందుకు బిస్వాల్ నిరాకరించగా వారు వెనుదిరిగారు. పందెంలో ఈ కోడి కచ్చితంగా గెలుస్తుందన్న నమ్మకం ఉందని వారు తెలిపారు. అయితే ఈ విషయం తెలిసిన స్థానికులు కోడిని చూడటానికి వచ్చారు.