ఫ్రీగా హనుమాన్​ మూవీ టికెట్ల పంపిణీ - ఎక్కడో తెలుసా?

Hanuman Movie Free Tickets Distribution : ధర్మ పరిరక్షణ కోసం కావాల్సిన శక్తిని హనుమంతుడు ఇస్తాడనే సందేశంతో ఇటీవల విడుదలైన సినిమా హనుమాన్​ ద్వారా ప్రజలకు తెలియజేశారని బీజేపీ మాజీ ఎమ్మెల్యే ఎన్వీఎస్​ఎస్ ప్రభాకర్​ అన్నారు. హనుమాన్​ సినిమాను ఇవాళ సికింద్రాబాద్​ టివోలి థియేటర్​లో దిల్లీ పబ్లిక్​ విద్యా సంస్థల అధినేత కొమరయ్యతో కలిసి వీక్షించారు. ఈ సందర్భంగా ఆయన మాట్లాడుతూ అయోధ్య రామ మందిరం విగ్రహ ప్రతిష్ఠాపన ఈ నెల 22న జరగనుందని గుర్తు చేశారు. ఈ సమయంలో హనుమాన్ మూవీ రిలీజ్​ అవ్వడం సంతోషంగా ఉందని పేర్కొన్నారు. 

Hanuman Movie Latest News : మరోవైపు కొమరయ్య హనుమాన్​ సినిమా వెయ్యి టికెట్లను కొనుగోలు చేసి ప్రేక్షకులకు ఉచితంగా పంపిణీ  చేశారు. ఇలాంటి సినిమాలను ప్రజలు ఆదరించాలని కోరారు. ఈ సినిమాలో తేజ సజ్జా హీరోగా నటించారు. ఈ నెల 12న పాన్​ ఇండియా స్థాయిలో విడుదలైన ఈ చిత్రం బ్లాక్​ బస్టర్​ టాక్​తో దూసుకుపోతుంది.