గ్యాస్ సిలిండర్ ట్రక్కులో పేలుడు భారీగా ఎగిసిపడిన మంటలు

బిహార్‌లోని భాగల్‌పూర్‌లో జిల్లాలో అగ్ని ప్రమాదం జరిగింది. గ్యాస్ సిలిండర్లతో వెళ్తున్న ఓ ట్రక్కులో పేలుడు సంభవించింది. ఈ ప్రమాదంలో సిలిండర్లు 100 మీటర్ల దూరంలో ఎగిరిపడ్డాయి. ఈ ఘటనలో ఓ సిలిండర్ భాగం భగవాన్ పెట్రోల్ పంపులోని వాటర్ ట్యాంక్‌లో పడింది. ఈ ప్రమాదంలో సమీపంలో ఉన్న ఓ హోటల్‌ కూడా దగ్ధమైంది. ఈ ఘటనలో డ్రైవర్‌ మృతి చెందాడు. సమాచారం అందిన వెంటనే అగ్నిమాపక సిబ్బంది ఘటనా స్థలానికి చేరుకుని మంటలను అదుపులోకి తెచ్చారు. ఈ ఘటన బుధవారం తెల్లవారుజామున 5.30 గంటల సమయంలో జరిగింది.