బైక్​పై వెళ్తుండగా ఒక్కసారిగా మంటలు.. లక్కీగా..!

Electric vehicle fire in Asifnagar: రోడ్డుపై వెళ్తున్న ఎలక్ట్రిక్ ద్విచక్ర వాహనంలో మంటలు చెలరేగి అగ్నికి ఆహుతైన ఘటన హైదరాబాద్‌ ఆసిఫ్‌నగర్‌ పోలీస్‌స్టేషన్ పరిధిలో చోటు చేసుకుంది. వాహన దారుడు చెప్పిన కథనం ప్రకారం.. గుడి మల్కాపూర్ నుంచి మెహిదీపట్నం వెళ్తుండగా.. ఎల్​ఐసీ కార్యాలయం వద్దకు రాగానే ఎలక్ట్రిక్ బైక్‌లో ఒక్కసారిగా మంటలు చెలరేగాయి. మంటలను గమనించిన వాహనదారుడు వెంటనే బండిపై నుంచి దిగి దూరంగా పరుగులు తీశాడు. చూస్తుండగానే ద్విచక్ర వాహనం​ అగ్నికి ఆహుతైంది. ఎలక్ట్రిక్‌ బైక్‌లో సాంకేతిక లోపం వల్లే అగ్ని ప్రమాదం జరిగి ఉండవచ్చని సదరు వాహనదారుడు అనుమానం వ్యక్తం చేస్తున్నారు. 

రోడ్డుపై ఈ ఘటన చోటుచేసుకోవడంతో మిగతా వాహన చోదకులు భయందోళనకు లోనయ్యారు. బైక్​ దగ్దం కావడంతో అటు నుంచి ఇతర వాహనాలు వెళ్లడానికి అవకాశం లేకుండా పోయింది. దీంతో భారీగా వాహనాలు నిలిచిపోయి.. ట్రాఫిక్​కు అంతరాయం ఏర్పడింది. ఇటీవల కాలంలో ఎలక్టిక్​ వాహనాల్లో ఇలాంటి ప్రమాదాలు చోటుచేసుకోవడంతో వాహన చోదకులు ఆందోళనకు గురవుతున్నారు.