'డెక్కన్​ క్వీన్' ఎక్స్​ప్రెస్​ 94వ బర్త్​డే.. స్టేషన్​లో గ్రాండ్​గా సెలబ్రేషన్స్.. కేక్​​ కట్​ చేసి..

Deccan Queen Birthday 2023 : సాధారణంగా మనుషులే పుట్టినరోజు పార్టీలు చేసుకోవడం చూస్తుంటాం. ప్రస్తుత రోజుల్లో జంతువులకు బర్త్​డేను ఘనంగా చేస్తున్నారు. అయితే మహారాష్ట్రలో మాత్రం 'డెక్కన్ క్వీన్' ఎక్స్​ప్రెస్ అనే రైలుకు అధికారులు, ప్రయాణికులు.. బర్త్​డే వేడుకలు నిర్వహించారు. కేక్​ కట్​ చేసి ఒకరినొకరు తినిపించుకున్నారు.  

ఇదీ అసలు కథ..
డెక్కన్ క్వీన్ ఎక్స్​ప్రెస్​.. దేశంలోనే మొదటి సూపర్​ ఫాస్ట్ రైలు. దీనిని 1930 జూన్​ 1న ఆంగ్లేయులు ప్రారంభించారు. అప్పట్లో ఈ రైలులో ప్రయాణించేందుకు భారతీయులకు అనుమతి ఉండేది కాదు. దాదాపు రైలు ప్రారంభమైన 13 ఏళ్ల తర్వాత 1943లో భారతీయులు డెక్కన్ క్వీన్​లో ప్రయాణించేందుకు బ్రిటిష్ ప్రభుత్వం అనుమతి ఇచ్చింది. 

డెక్కన్ క్వీన్ రైలు.. పుణె నుంచి ఆర్థిక రాజధాని ముంబయి వరకు రాకపోకలు సాగిస్తోంది. ఈ రైలులో దాదాపు రోజుకు 2వేల మంది ప్రయాణిస్తున్నారు. ఈ ట్రైన్​ ప్రారంభించి 2023 జూన్​ 1వ తేదీకి 93 సంవత్సరాలు పూర్తి చేసుకుని 94వ పడిలోకి అడుగుపెట్టింది. అందుకే అధికారులు, రాష్ట్ర మంత్రి చంద్రకాంత్ పాటిల్.. ప్రయాణికులతో కలిసి సంబరాలు చేసుకున్నారు. డప్పుల మోత మధ్య కేక్ కట్​ చేశారు.